U Minsku prajšoŭ marafon pa skandynaŭskaj chadźbie. Samaj pažyłoj udzielnicy było 93 hady
Napiaredadni Dnia pažyłych ludziej 30 vieraśnia prajšoŭ IV Respublikanski marafon pa skandynaŭskaj chadzie «Krok da daŭhalećcia».
U padziei ŭziali ŭdzieł bolš za 350 minčukoŭ pažyłoha ŭzrostu, pišuć Minsk-naviny.
La fantana ŭ parku imia Ja. Kupały pad badzioruju muzyku sotni minčukoŭ z pałkami ŭ rukach rychtavalisia da startu. U adnym z samych malaŭničych kutočkaŭ stalicy razahravalisia pierad marafonam pa skandynaŭskaj chadzie haradžanie «srebnaha» ŭzrostu.
Samaj starejšaj udzielnicaj padziei, Jelizaviecie Samsonavaj, — 93 hady.
Žančyna ŭdzielničaje ŭ marafonie nie pieršy raz — u minułym hodzie jana ŭžo pieraadoleła dystancyju ŭ 800 m u Jabłynievym skviery kala Chrama-pomnika Usich Śviatych.
Sioleta pieraadoleła maršrut daŭžynioju 1 km.
— Usio žyćcio zajmajusia sportam, dy i ciapier zamiest lifta vybiraju leśvicu, — raskazała ŭdzielnica. — Maja dačka kaliści vučyłasia na treniera, dała nakaz, kab ja nie zasiedžvałasia. Niahledziačy na ŭzrost, adčuvaju siabie cudoŭna. Raju bierahčy nohi z maładości, tady i ŭ sto hadoŭ chadzić budzie lohka.
Samym starejšym mužčynam, jaki vyjšaŭ na dystancyju, staŭ Mikałaj Mialeška.
U sakaviku spartsmienu spoŭnicca 80 hadoŭ.
— Kaliści było šmat škodnych zvyčak, ale 15 hadoŭ tamu pazbaviŭsia ich. Ciapier majo žyćcio całkam źmianiłasia: chadžu ŭ spartzału, niadaŭna adkryŭ dla siabie skandynaŭskuju chadu. Chadžu kožny dzień biez vyklučeńnia, pryśviačaju zaniatku minimum paŭhadziny na dzień. Vynik adčuvajecca adrazu: staŭ lepš spać, cudoŭna siabie adčuvaju, — padzialiŭsia piensijanier.
Kamientary