Zacukroŭvajemsia
Sioleta ajčynnyja pradpryjemstvy vypuściać 370 tysiač ton cukru, što na 5,6% bolš, čym u minułym hodzie, a da 2010 h. miarkujecca naraścić abjomy da 450 tysiač ton. Pakrysie naroščvajem zapasy dla cukrovaj vajny z Rasiejaj.
Biznes-centry rastuć
25 kastryčnika biełaruska-kiprskaje pradpryjemstva «Hiperkom-Devełapment» adkryje na Niamizie biznes-centar «Niamiha-sici». Śledam za im budzie adkryty biznes-centar «Alaksandraŭ pasaž» na pr.Skaryny. A ŭ mikrarajonie Ŭručča, pobač ź biznes-centram «XXI st.», źjavicca jašče adzin. Budynak płoščaj 43 tys. m2 budzie mieć hnutuju kanstrukcyju i dźvie cylindryčnyja viežy. Načyńnie tradycyjnaje: ofisy, padziemnaja parkoŭka, aŭtamyjka, supermarkiet, kaviarni, kramy, biljard i cyrulnia.
Benzin padaražeŭ na kapiejku
Z 12 kastryčnika ŭ Biełarusi niaznačna ŭzraśli ceny na naftapradukty. Pryčyna — pavyšeńnie suśvietnych cen na naftu. Litar benzinu A-76 na AZS «Biełnaftachim» ciapier kaštuje 1150 rub. (było 1140 rub.), A-92 — 1450 rub. (1430 rub.), A-95 — 1650 rub. (1630 rub.), dyzelnaje paliva — 1150 rub. (1140 rub.).
Top – 100 kałhasaŭ
Vučonyja instytutu ahrarnaj ekanomiki NAN ahučyli rejtynh 100 najlepšych sielhasarhanizacyj Biełarusi pa vynikach 2004 h. Asnoŭnym kryteram była prybytkovaść. Na pieršym miescy ptuškafabryka «Družba» (Baranaviččyna). Na druhim — sielhaspradpryjemstva «Brylova» (Homielski rajon), na trecim — UP «Saŭhas-kambinat «Zara» (Mazyrščyna). U «ahulnym zaliku» pieramahła Mienščyna (32 haspadarki z 100) i zachodnija vobłaści, na apošnim miescy — Viciebščyna (5).
ZD
Ciapier čytajuć
Stryžak: Ja prosta haŭno, ja lažu na dnie samaj brudnaj kanavy i adtul sprabuju niešta skazać u svaju abaronu67
Kamientary