U Kupałaŭskim rychtujuć novuju premjeru — «Don Žuan» Maljera ŭ pierakładzie Chadanoviča
Premjera zapłanavanaja na 22 sakavika.
Ažyćciaviŭšy pastanoŭku «Pana Tadevuša», Kupałaŭski teatr rychtujecca da nastupnaj premjery. Dniami ŭ kalektyvie pačalisia repietycyi śpiektakla «Don Žuan».
Andrej Chadanovič pierakłaŭ kamiedyju Žan-Bacista Maljera z francuzskaj movy na biełaruskuju.
Dla pastanoŭki śpiektakla z Sankt-Pieciarburha zaprošany režysior Anatol Praŭdzin.
Ź Biełaruśsiu jaho siamju źviazvajuć daŭnija suviazi. Praŭdzin — syn viadomaha ryžskaha režysiora Arkadzia Kaca, jaki nieadnarazova byvaŭ u Minsku. U Ruskim teatry dahetul iduć čatyry śpiektakli Kaca («Idealny muž», «Suničnaja palana», «Praŭda – dobra, a ščaście – lepš» i «Pihmalijon»).
Praŭdzin viadomy svaimi pastanoŭkami ŭ lepšych teatrach Sankt-Pieciarburha. A ŭ maładości jon zajmaŭsia sportam. U 1976 hodzie navat staŭ čempijonam Łatvijskaj SSR pa samba.
Rolu Dona Žuana vykanaje Pavieł Charłančuk. Słuhoj Shanarelem, jaki ŭvieś čas jaho pavučaje, stanie Viktar Manajeŭ.
U śpiektakli taksama zadziejničanyja narodnyja artysty Biełarusi Mikałaj Kiryčenka i Arnold Pamazan, zasłužanyja artysty Biełarusi Alaksandr Padabied i Siarhiej Kraŭčanka, a taksama Śviatłana Anikiej, Raman Padalaka, Alaksandr Małčanaŭ, Hanna Chitryk i inšyja kupałaŭcy.
Premjera «Don Žuana» zapłanavana na 22 sakavika 2014 hoda.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
U internet źlili pierapisku Kavaleŭskaha i Cichanoŭskaj. Ale kancoŭ nie znajści31
Kamientary