U Sievastopali ŭzbrojenyja ludzi vykrali i vyvieźli ŭ nieviadomym kirunku ajca Mikałaja Kviča, śviatara parafii. Pra heta paviedamlaje Departamient infarmacyi UHKC.
«Tolki što a. Lubamir Javorski, namieśnik kiraŭnika Departamienta Patryjaršaj kuryi UHKC pa spravach dušpastyrstva siłavych struktur Ukrainy paviedamiŭ ab tym, što siońnia niepasredna z carkvy parafii Ŭśpieńnia Najśviaciejšaj Baharodzicy h. Sievastopala nieviadomyja ŭzbrojenyja ludzi vykrali i vyvieźli ŭ nieviadomym kirunku ajca Mikałaja Kviča», — havorycca ŭ paviedamleńni.
Hetuju infarmacyju paćvierdzili prychadžanie, jakija byli na nabaženstvie.
Viadoma, što na praciahu sakavika 2014 śviatary UHKC atrymlivali pahrozy z patrabavańniem pakinuć terytoryju Kryma. «Ale ŭsie dušpastyry vyrašyli nie pakidać svaich viernikaŭ, asabliva ŭ taki składany čas», — paviedamili ŭ Departamiencie infarmacyi UHKC i adznačyli, što ajciec Mikałaj, akramia abaviazkaŭ śviatara, vykonvaje ŭ Krymie abaviazki Hałoŭnaha vajennaha kapiełana UHKC. «Heta, — na dumku a. Javorskaha, — mahło stać pryčynaj takich dziejańniaŭ ŭzbrojenaj «samaabarony Kryma» ŭ dačynieńni da jaho».
Miesca znachodžańnia śviatara da hetaha času nieviadomaje. Na telefonnyja zvanki jon nie adkazvaje.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii29
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary