Hurt «Ściana» dniami viarnuŭsia z stalicy Polščy. Tam biełaruskaja kamanda vystupiła ŭ miežach dabračynnaj akcyi «Biełaruskaja filalohija dla Patryka». Hałoŭnaje meta — sabrać srodki dla maleńkaha chłopčyka Patryka, što chvory na lejkiemiju.
ŚcianaArhanizatarami imprezy vystupili studenty fakulteta biełaruskaj filalohii Varšaŭskaha ŭniversytetu. Akrom «Ściany» ŭ kancercie ŭ klubie «Vetlina» taksama prymaŭ udzieł rehi‑hurt z Ŭrocłava Siddhartha. Hrošy za kvitki pajšli na leki dla chłopčyka, akramia taho pad čas kancertu pravodziŭsia dabračynny aŭkcyjon — pradavali dyski 5'nizza i N.R.M., bieraściejskaje ciomnaje dy knihi vieršaŭ Alesia Razanava. Ludziej było šmat — na tancplacy pierad scenaj nie chapała miesca. U vyniku ŭdałosia sabrać bolej za 3000 złotych.
Lider «Ściany» Andruś Klimus padzialiŭsia z TH uražańniami ad hetaha kancertu:
«Naš vystup atrymaŭsia vielmi enerhietyčnym. Pieravaha nievialikich kancertnych placovak u tym, što stvarajecca niejkaja chatniaja atmasfera. Pakolki ŭ «Vetlinie« scena davoli maleńkaja, naš vakalist Paša prosta vystaviŭ mikrafon na tancplac i akazaŭsia z troch bakoŭ akružanym ludźmi. U vyniku kantakt sa słuchačom atrymaŭsia prosta achvihienny — takoha słemu na našym vystupie ja napeŭna jašče nia bačyŭ».
«Ściana» adrazu pahadziłasia ŭziać udzieł u dabračynnym kancercie. Muzyki kirujucca takoj dumkaju: «Zroblenaje dla inšych vierniecca da ciabie — prosta na niejkim inšym uzroŭni»
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary