Ilustracyjnaje fota
Dva načnyja ekspresnyja maršruty, jakija adkrylisia ŭ Minsku 20 studzienia, spynili svaju pracu jak minimum da 1 červienia z-za nierentabielnaści pieravozak.
Pra heta karespandentu ahienctva «Minsk-Naviny» paviedamiŭ namieśnik dyrektara — načalnik upraŭleńnia pasažyrskich pieravozak DU «Staličny transpart i suviaź» Andrej Iłaryjonaŭ.
Kamiercyjnyja maršruty № 803-TK «Vakzał — DS «Šabany» i № 874-TK «Vakzał — DS «Malinaŭka-4» byli adkryty jak vodhuk na pažadańni haradžan, vykazany ŭ minułym hodzie padčas sacapytańnia Minskaha NDI sacyjalna-ekanamičnych prablem z nahody palapšeńnia jakaści absłuhoŭvańnia pasažyraŭ.
«Nierentabielna — heta miakka skazana, — adznačyŭ A. Iłaryjonaŭ. — Pasažyraŭ praktyčna nie było.
Haniać mašyny pustymi biessensoŭna. Zakryć zusim hetyja maršruty my nie možam, bo pa ŭmovach konkursu jany išli jak dadatkovyja łoty da asnoŭnych, bolš vyhadnych z kamiercyjnaha hledzišča maršrutaŭ».
Aryjentavana ŭ pačatku leta načnyja pieravozki adnoviacca, mahčyma, takija maršrutki buduć pracavać tolki pa piatnicach, subotach, niadzielach.
Ciapier čytajuć
Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»9
Kamientary