Byłoha palitviaźnia pakarali niby za łajanku i supraciŭ milicyi. Franckievič nazvaŭ sud i aryšt «palityčnymi represijami», da jakich jon užo pryvyk.
U sudzie Savieckaha rajona Mienska razhladali spravu aryštavanaha ŭčora aktyvista anarchisckaha ruchu Alaksandra Franckieviča. Praces vioŭ sudździa Arciom Biaskišski.
Zatrymanaha 2 lutaha Franckieviča abvinavacili ŭ parušeńni 2 artykułaŭ: 17.1 KaAP (drobnaje chulihanstva) i 23.4 (supraciŭ pry zatrymańni).
Z pakazańniaŭ Franckieviča stała viadoma, što padčas pracoŭnaha dnia niekalki čałaviek pryjšli da jaho pa miescy pracy. Dyrektar paprasiŭ jaho spuścicca ŭniz, dzie supracoŭniki ŭ cyvilnym užo čakali jaho. Paśla hetaha jaho dastavili ŭ RUUS Savieckaha rajona, dzie byli składzienyja dva pratakoły.
U sudzie vystupili dva śviedki — supracoŭniki AMAP Siniak i Pałavinkin.
Abodva paviedamili, što znachodziačysia pa adrasie Niezaležnaści, 58, hramadzianin Franckievič pavodziŭ siabie padazrona: chadziŭ upierad-uzad, tuzaŭsia, nervavaŭsia, čym i pryciahnuŭ da siabie ŭvahu. Abodva śviedki raspaviali, što jany nibyta pradstaviłasia, pakazali paśviedčańnie, paśla čaho Franckieviča pačaŭ uciakać. Kali jaho dahnali, jamu jašče raz pakazali paśviedčańnie, jon u svaju čarhu pačaŭ łajacca hrubaj niecenzurnaj łajankaj, pahražać niepryjemnaściami na pracy. Paśla hetaha byŭ papiaredžany ab prymianieńni fizyčnaj siły, pasadžany ŭ słužbovuju mašynu i dastaŭleny dla raźbiralnictva ŭ RUUS Savieckaha rajona, — paviedamlaje Pravaabarončy centar «Viasna».
Noč da sudu Alaksandr Franckievič pravioŭ u izalatary na Akreścina.
Ciapier čytajuć
Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»9
Kamientary