Kryk pry bolu litaralna zahłušaje pačućcio bolu, piša Daily Mail sa spasyłkaj na Journal of Pain.
Daśledčyki bolu miarkujuć, što vykryki interfierujuć ź sihnałami ab bolu, što atrymlivaje mozh. Faktyčna, čałaviek zahłušaje sihnały dla svajho mozhu, kali kaža «aj», «ow» (pa-anhlijsku), «aiyo» (pa-kitajsku) albo «ahia» (pa-italjansku).
Psichołahi i niejrabijołahi z Nacyjanalnaha Univiersitetu Sinhapuru raspaviadajuć: dziejańnie, pry jakim rot zastajecca adkrytym i nieakruhlenym, jazyk lažyć roŭna, a lohkija vydajuć maksimalny huk, dazvalaje dolej pieranosić bol.
«U matornym ruchu zadziejničanyja abiedźvie častki pieryfieryčnaj niervovaj sistemy. Źmieny ŭ stanie ciahlic pieradajucca ŭ mozh, dzie kankurujuć ź infarmacyjaj ab atrymańni bolu», — tłumačać navukoŭcy.
Toje było pravierana na 56 dabraachvotnikach, jakim dazvalałasia albo nie dazvalałasia kryčać, trymajučy ruki ŭ ledzianoj vadzie.
Paddoślednym taksama prajhravalisia zapisy taho, jak ich albo čužy hołas kryčyć «aj», a taksama prapanoŭvałasia naciskać knopku, kali jany adčuvajuć bol, albo siadzieć śmirna, pakul bol nie stanie nievynosnym. Najbolšy čas pratryvali tyja, chto kryčaŭ sam.
Raniej vykazvalisia mierkavańni ab tym, što kryk ad bolu vypracavaŭsia dziela papiaredžańnia navakolnych istot ab niebiaśpiecy.
Ciapier čytajuć
Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»9
Kamientary