Dyrektar firmy hruzapieravozak, jaki arhanizoŭvaŭ akcyju pratestu, aryštavany na 15 sutak
Dyrektar firmy hruzapieravozak Siarhiej Štoda, jaki paabiacaŭ, što pieravozčyki vyjduć 4 lutaha da Doma ŭrada, kab abaraniać svaje pravy, 3 lutaha pryhavorany da 15 sutak aryštu za «niecenzurnuju łajanku», paviedamlaje pres-słužba Ab`iadnanaj hramadzianskaj partyi.
Ab pryhavory suda Štoda paviedamiŭ pa telefonie svajoj žoncy. Ranicaj 3 lutaha jon adpraviŭsia na sustreču ź pieršym vice-prem`ieram Vasilom Maciušeŭskim. Na sustrečy płanavałasia abmierkavać, jak biełaruskim hruzapieravozčykam, jakija apynulisia na miažy bankructva, vyjści z takoj situacyi.
Raniej ułady abiacali pravieści amnistyju pa štrafach, jakija ŭtvarylisia ŭ pieršyja try miesiacy pracy ŭ Biełarusi sistemy płatnych daroh BelToll z-za techničnych zbojaŭ sistemy i niedastatkovaha infarmavańnia pieravozčykaŭ u suviazi z novaŭviadzieńniem. Adnak sa źmianieńniem ekanamičnaj situacyi ŭ krainie ŭłady faktyčna anuloŭvali svajo abiacańnie.
Niekalki dzion tamu Štoda raspaŭsiudziŭ zvarot, u jakim paviedamlaŭ, što «Transpartnaja inśpiekcyja zapuściła praceduru bankructva dla nievialikich arhanizacyj i indyvidualnych pradprymalnikaŭ». Pavodle jaho infarmacyi, u banki buduć prychodzić elektronnyja listy z płaciežnym patrabavańniem spahnać štrafy, jakija razarać pradprymalnikaŭ. Jon zaklikaŭ kaleh sabracca kala Doma ŭrada i źviarnucca napramuju da Alaksandra Łukašenki.
«My nie terarysty, ničoha supraćzakonnaha rabić nie budziem, my tolki prosim razabracca ŭ našaj situacyi, my častka naroda, my zakonapasłuchmianyja padatkapłacielščyki. Hetyja pavietranyja štrafy pryviaduć da bankructva mnohich, nastupstvy ŭsie razumiejuć, nielha da hetaha davodzić», — havaryłasia ŭ zvarocie pradprymalnika.
Ciapier čytajuć
Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»9
Kamientary