Nahodaj staŭ pakajalny list kiraŭničaha orhanu arhanizacyi u ministerstva, u jakim abiacajecca dać acenku kiraŭniku arhanizacyi Anatolu Šumčanku, jakoha «nie ŭpaŭnavažvali na ŭdzieł u niesankcyjanavanaj akcyi 10 studzienia».
Ministerstva justycyi pryniała rašeńnie adklikać pazoŭ ab likvidacyi dadzienaha hramadzkaha abjadnańnia ź Viarchoŭnaha suda Biełarusi, paviedamlaje BIEŁTA.
U Minjuście paviedamili, što ŭ ministerstva pastupiŭ zvarot RHA «Perspektyvy», u jakim jano painfarmavała, što kiraŭničyja orhany nie prymali rašeńnia nakont udziełu ich kiraŭnika arhanizacyi ŭ niesankcyjanavanaj akcyi. Šumčanka, havorycca ŭ zvarocie, nie nadzialaŭsia paŭnamoctvami pradstaŭlać hramadzkaje abjadnańnie na jakich-niebudź masavych mierapryjemstvach, a tamu 11 lutaha na Radzie hramadzkaha abjadnańnia budzie dadzienaja acenka jaho dziejańniam 10 studzienia i budzie vyrašana pytańnie ab sumiaščalnaści takoj dziejnaści z pasadaj kiraŭnika RHA.
«U adpaviednaści z pałažeńniami statuta arhanizacyi metami jaje dziejnaści źjaŭlajucca stvareńnie ŭmovaŭ, skiravanych na raźvićcio pradprymalnictva ŭ respublicy, spryjańnie pryciahnieńniu orhanaŭ ułady da prablemaŭ, što ŭźnikajuć. Uličvajučy vykładzienaje, a taksama supadzieńnie metaŭ dziejnaści dadzienaha hramadzkaha abjadnańnia z kursam dziaržavy na ŭmacavańnie i raźvićcio małoha biznesu pryniataje rašeńnie ab adklikańni ź Viarchoŭnaha suda pozvy ab ab likvidacyi RHA «Perspektyvy», paviedamili ŭ Minjuście.
Varta adznačyć, što kiraŭnika «Perspektyvy» Anatola Šumčanku zatrymali paśla zakančeńnia pradprymalnickaj akcyi 10 studzienia i asudzili na 15 sutak aryštu.
Nahadajem, što adrazu paśla zajavy Minjustu ab namiery likvidavać «Perspektyvu», Partyja BNF zajaviła pra hatoŭnaść pryniać u svaje šerahi siabraŭ arhanizacyi.
Raniej namieśnica staršyni rady RHA «Perspektyva» Volha Krumina zajaviła, što ŭ vypadku likvidacyi «Perspektyvy» siabry arhanizacyi inicyjujuć stvareńnie palityčnaj partyi pradprymalnikaŭ. U najhoršym vypadku nie vyklučaŭsia varyjant dałučeńnia da adnoj ź dziejnych apazycyjnych palityčnych arhanizacyjaŭ.
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj11
Kamientary