Zabarona na naviedvańnie lasoŭ uviedziena pa ŭsioj Biełarusi, paviedamili ŭ pres-słužbie Ministerstva lasnoj haspadarki.
U nastupnyja dni tempieratura čakajecca kala 30—36 hradusaŭ, pry hetym apadkaŭ nie prahnazujecca. «Tamu ŭ metach praduchileńnia vypadkaŭ ŭźniknieńnia lasnych pažaraŭ i niedapuščeńnia ŭskładnieńnia stanovišča va ŭsich rajonach krainy ŭviedziena zabarona na naviedvańnie lasoŭ», — rastłumačyli ŭ ministerstvie.
U pieryjad zabarony zakryvajucca ŭsie šłahbaŭmy na źjezdach z daroh u lasy, pry nieabchodnaści ŭstaloŭvajucca šyldy ź infarmacyjaj ab zabaronie naviedvańnia lesu i adkaznaści za jaho parušeńnie.
Samastojna adkryvać šłahbaŭmy na ŭjezdach u les nielha. Što tyčycca aŭtatranspartu, to prajazdžać na im možna tolki pa darohach, jakija viaduć da nasielenych punktaŭ, a taksama da ŭładkavanych miescaŭ adpačynku. Raspalvańnie vohniščaŭ u lasach i na tarfianikach na pieryjad zabarony albo abmiežavańnia naviedvańnia lasoŭ zabaroniena.
U ministerstvie nahadali ab adkaznaści za parušeńnie patrabavańniaŭ pažarnaj biaśpieki ŭ lasach i na tarfianikach albo zabarony na ich naviedvańnie. Tak, kali parušeńnie nie paciahnuła pryčynieńnia škody, to parušalniku pahražaje papiaredžańnie abo štraf u pamiery da 25 bazavych vieličyń (adna bazavaja zaraz roŭnaja Br180 tys.). Parušeńnie patrabavańniaŭ pažarnaj biaśpieki ŭ lasach abo na tarfianikach, što paciahnuła źniščeńnie abo paškodžańnie lesu abo tarfianikaŭ, paciahnie nakładańnie štrafu ŭ pamiery ad 25 da 50 bazavych.
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary