Hołych zorak u kino zamienić kampjutarnaja hrafika

U chutkim časie my naŭrad ci pabačym sapraŭdnych hołych akcioraŭ u filmach, miarkuje The Verge. Ad halizny ich «uratujuć» jak dublory, tak i kampjutarnaja hrafika. Padobna, što za apošnija piać hod heta stała ŭvachodzić u modu ŭ Halivudzie.

Śpiecefiekty, što robiać ludziej «hołymi», usio jašče daražej, čym «naturalnaja» halizna akcioraŭ. Ale jany dazvalajuć abyści punkty kantraktaŭ, što ź niejkich pryčyn zabaraniajuć raspranać zorak, samim zorkam dajuć mahčymaść nie asabliva sačyć za fihuraj, a režysioram — zrabić zdymki bolš kamfortnymi dla akcioraŭ.

The Verge miarkuje, što «kampjutarnaja halizna» zastaniecca z nami nadoŭha.

Padobna, što trend zadaŭ film «Mačete» 2010 hoda, chacia «kampjutarnaja halizna» była ŭ kino i da jaho. U «Mačete» Džesika Alba zdymałasia ŭ scenie ŭ dýšy ŭ nižniaj bialiźnie, u filmie ža jana źjaviłasia hołaj. «Pravak» nichto nie zaŭvažyŭ, pakul Alba sama nie zajaviła pra toje, što nikoli nie zdymałasia hołaj.

Pavialičyć

Klučavoj pryčynaj vykarystańnia kampjutarnaj hrafiki The Verge ličyć kamfort akcioraŭ: niekatorym ciažka pracavać hołymi pierad natoŭpam zdymačnaj kamandy. U pryvatnaści, pra heta kazała Lena Chidzi, jakaja vykonvaje rolu Sersii Łanister u «Hulni tronaŭ».

U apošnim na siońnia piatym siezonie «Hulni tronaŭ» była scena, dzie Sersija Łanister u pakarańnie pavinna była prajści hołaj pa horadzie. Chidzi, na toj momant ciažarnaja, kazała, što chacieła skancentravacca na emocyjach hieraini, a nie na ŭłasnym emacyjnym i fizičnym dyskamforcie ad «hołaha paradu» pierad nie tolki zdymačnaj kamandaj, ale i vializnaj masoŭkaj.

Pavialičyć

Chacia Chidzi raniej nie raz zdymałasia hołaj, u toj scenie jana raspranułasia tolki častkova dla bujnych płanaŭ, u ahulnych płanach jaje padmianiła 27-hadovaja Rebeka Van Kliŭ, na cieła jakoj «nakłali» hałavu Chidzi. Fanaty razhladzieli, što hrudzi dziaŭčyny ŭ toj scenie zanadta vialikija dla navat ciažarnaj Chidzi, dy vielmi abrazilisia, kali ich padazrony paćvierdzilisia aficyjna.

Pieršaja halizna ŭ kino źjaviłasia praz vosiem hod paśla pieršaha kino: u filmie «Za miačom» 1897 hoda. Praktyka «hołych dubloraŭ» dakładna zafiksavanaja ŭ filmie «Tarzan i jaho siabroŭka» 1934 hoda: akciorku Maryn O'Salivan padčas sceny padvodnaha płavańnia hołaj zamianiła alimpijskaja płyŭčycha Džazefin MakKim.

Prablema nie ŭ tym, što hledačy chočuć, dy nie mohuć pabačyć hołych akcioraŭ.

Kolki siońnia vykarystoŭvajecca «hołych dubloraŭ» i «kampjutarnaj halizny», dakładna nieviadoma — akciory mohuć prasić nie raskryvać taho faktu, što hołaje cieła ŭ kadry naležyć nie im. Z adnoha boku, ničoha strašnaha dla hledača ŭ hetym pakul niama: vykanaŭca roli Hary Potera taksama ž nie prachodziŭ praź ścianu da płatformy 9 3/4, usio kampjutarnaja hrafika. Dy prablemy mohuć źjavicca ŭ budučyni, kali kino, jak ciapier «nafatašoplenyja» hlancavyja časopisy, pačnie ŭkaraniać nierealistyčnyja standarty pryhažości.

• 0
• 0
• 0
• 0
• 0
• 0
• 0
• 0