Homielskija aktyvisty damahlisia «biełarusizacyi» miascovaha vakzała
Paśla rekanstrukcyi budynka homielskaha aŭtobusnaha vakzała ŭ im nie zastałosia nadpisaŭ na biełaruskaj movie. Nieabyjakavyja žychary horada i siabry miascovaha Tavarystva biełaruskaj movy adrazu źviarnuli na heta ŭvahu kiraŭnictva AAT «Homielabłaŭtatrans».
Varta adznačyć, što adkaz ad čynoŭnikaŭ pryjšoŭ davoli chutka, litaralna praz tydzień. U «Homielabłaŭtatransie» nie tolki prysłuchalisia, ale i padziakavali za kłopat ab rodnaj movie. Pryčym papiera była składzienaja pa-biełarusku.
«Dazvolcie jašče raz vykazać vam udziačnaść i ščyryja słovy padziaki za kanstruktyŭnuju i svoječasovuju prapanovu.
Dziakujučy vašaj zaŭvazie kiraŭnictvu aŭtavakzała «Homiel» dadzienyja adpaviednyja ŭkazańni, i ŭžo da 2 kastryčnika budzie praviedzienaja rabota pa zamienie nazvy aŭtavakzała, buduć pradublavanyja na biełaruskaj movie infarmacyjnyja tablički.
Upeŭnienyja ŭ tym, što Vaš bol i kłopat pra biełaruskuju hramadzianskaść budzie słužyć na karyść našaj Radzimy, niezaležnaści i ŭmacavańnia palityčnych pazicyj na mižnarodnaj arenie», — havorycca ŭ liście za podpisam Dźmitryja Staraścienki, hiendyrektara AAT «Homielabłaŭtatrans».
Transpartniki strymali słova. Pa słovach Maryi Bułavinskaj, staršyni homielskaha abjadnańnia TBM, nadpis na vakzale sapraŭdy ŭžo źmianili na biełaruski.
Kamientary