Arktyčnaje pavietra niasie ŭ Biełaruś zaciažnoje pachaładańnie i pieršy śnieh
Na hetym tydni paŭnočnyja patoki pryniasuć u Biełaruś arktyčnaje pavietra. Jaho ŭvarvańnie budzie supravadžacca paŭnočnym vietram, načnymi zamarazkami i nizkaj dzionnaj tempieraturaj.
Pra heta paviedamiŭ TUT.BY načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
Sinoptyki papiaredžvajuć, što na ŭsioj terytoryi Biełarusi ŭstalujecca chałodnaje nadvorje hłybokaj vosieni. Siaredniaja tempieratura budzie na 3-5 hradusaŭ nižej za normu.
Pachaładańnie apyniecca zaciažnym. Nie vyklučana, što chałodnaje nadvorje zachavajecca da siaredziny kastryčnika.
U aŭtorak umovy nadvorja nočču buduć vyznačacca prachodžańniem atmaśfiernaha frontu, uśled za jakim pačniecca ŭvarvańnie chałodnaha pavietra. Nočču i ranicaj u asobnych rajonach nievialikija karotkačasovyja daždžy, dniom pieravažna biez apadkaŭ. Nočču miescami pa Bresckaj i Homielskaj abłaściach słaby tuman. Tempieratura pavietra minimalnaja nočču ad + 2°S pa poŭnačy da + 12°S pa poŭdni; dniom užo 6 + 12°S, u paŭdniovych rajonach 13 +16°S.
Dalej chałodnaje nadvorje ŭstalujecca, užo na bolšaj častcy krainy.
U sieradu, 7 kastryčnika, čakajecca biez apadkaŭ. Nočču na bolšaj častcy terytoryi zamarazki 0 — -4°S, miescami, pieravažna pa poŭdni, minimalnaja tempieratura 1— +3°S; maksimalnaja dniom 4 + 11 ° S.
U čaćvier taksama pieravažna biez apadkaŭ. Nočču na bolšaj častcy terytoryi zamarazki 0 — -4°S, miescami da -5°S; dniom 3 +10.
U piatnicu nočču na bolšaj častcy terytoryi zamarazki 0 — -4°S, miescami da -5°S; maksimalnaja tempieratura pavietra dniom 3 —+9°S.
U vychadnyja dni zachavajecca chałodnaje nadvorje, a žychary paŭnočna-ŭschodnich rajonaŭ krainy mohuć ubačyć i pieršy śnieh.
Kamientary