China Merchants Group rychtujecca zapuścić u Biełarusi inviestfond
Ideja abmiarkoŭvałasia ŭ chodzie pieramovaŭ u Minsku delehacyi pradstaŭnikoŭ karparacyi na čale z prezidentam Li Siaopenom, paviedamiŭ pieršy namieśnik hienieralnaha dyrektara SZAT «Kampanija pa raźvićci industryjalnaha parku» Kirył Karaciejeŭ.
Padčas vizitu taksama buduć abmiarkoŭvacca pytańni budaŭnictva handlova-łahistyčnaha subparka Kitajska-biełaruskaha industryjalnaha parku «Vialiki kamień». U 2016 hodzie suma inviestycyj u subpark składzie kala 150 młn dalaraŭ, pry hetym da listapada nastupnaha hoda karparacyja hatova ŭvieści abjekty ahulnaj płoščaj 100 tys. Kv.m, u tym liku 51 tys. Kv.m - krytyja składy, 20 tys. Kv. m - adkrytyja składy, 21 tys. kv.m - vystavačnyja płoščy, 6,2 tys. kv.m - handlovyja płoščy, 1,6 tys. kv.m - ofisnyja płoščy, 1,34 tys. kv.m - spadarožnyja zbudavańni.
Akramia taho, karparacyja hatova ŭdzielničać u raspracoŭcy kancepcyi transpartu i łahistyki Biełarusi z metaj maksimalnaha vykarystańnia kitajskaha vopytu, a taksama ŭ sumiesnych prajektach pa raspaŭsiudžvańniu hruzavych avijapieravozak, jakija mohuć nadać impuls raźvićciu infrastruktury RUP «Nacyjanalny aeraport Minsk».
Kamientary