Sud Homielskaha rajona 7 kastryčnika vynies pryhavor žycharu abłasnoha centra 1961 hoda naradžeńnia. Mužčyna vykraŭ aŭtamabil (art. 214 KK) i ŭčyniŭ DTZ, vynikam jakoha było pryčynieńnie inšamu kiroŭcu ciažkich cialesnych paškodžańniaŭ (art. 317 KK).
Jak paviedamiŭ pamočnik prakurora Homielskaha rajona Kirył Kadaŭba, hamialčanin pryhavorany da šaści hadoŭ pazbaŭleńnia voli. Sud pastanaviŭ taksama spahnać z abvinavačanaha kampiensacyju maralnaha i materyjalnaha ŭronu ŭładalniku vykradzienaha aŭtamabila i paciarpiełamu ŭ DTZ kiroŭcu mapieda.
Pavodle słoŭ Kadaŭby, žychar Homiela pracavaŭ majstram pa ramoncie aŭtamabilaŭ. 3 červienia 2015 hoda jon uziaŭsia doma za ramont aŭtamabila. Nastupnym dniom majstar vypiŭ i vyrašyŭ pakatacca na čužym aŭtamabili. U darozie adbyłasia razhiermietyzacyja piaredniaha koła, aŭtamabil vyjechaŭ na sustrečnuju pałasu i sutyknuŭsia z mapiedam, jakim kiravaŭ žychar vioski Krasnaje 1986 hoda naradžeńnia. Paśla sutyknieńnia z mapiedam aŭtamabil ujechaŭ u bietonnuju aharodžu. Kiroŭca aŭtamabila, pavodle pakazańniaŭ vidavočcaŭ, vyjšaŭ z transpartnaha srodku, dastaŭ butelku harełki i pačaŭ pić.
Kiroŭca mapieda atrymaŭ ciažkija cialesnyja paškodžańni. Jon staŭ invalidam pieršaj hrupy. U paciarpiełaha mužčyny na ŭtrymańni dvoje niepaŭnaletnich dziaciej.
Prysud nie nabyŭ moc, moža być abskardžany i apratestavany.
Kamientary