ZŠA abdumvajuć mahčymaść pavieličeńnia svajoj vajenna-marskoj prysutnaści ŭ Jeŭropie ŭ suviazi sa značnaj aktyŭnaściu rasijskich karabloŭ i padvodnych łodak, piša hazieta Financial Times sa spasyłkaj na zajavu kiraŭnika VMS ZŠA Džona Ryčardsana.
«Ich vajenna-marski fłot nastolki aktyŭny zaraz, što takoha nie nazirałasia ŭžo kala 20 hadoŭ», — skazaŭ hienierał u intervju.
Rasijski fłot sapraŭdy pavialičvaje svaju aktyŭnaść u Cichim akijanie i ŭ rajonie ŭschodniaha ŭźbiarežža ZŠA, adznačaje vydańnie. Kiraŭnik vajenna-marskoha fłotu Rasii Viktar Čyrkoŭ niadaŭna zajaviŭ, što z 2013 hoda intensiŭnaść rasijskich padvodnych patruloŭ pavialičyłasia na 50%.
U suviazi z rasijskaj vajennaj apieracyjaj u Siryi i zachodam amierykanskaha eśminca ŭ zonu KNR u Paŭdniova-Kitajskim mora Ryčardsan padkreśliŭ, što krainy pavinny prytrymlivacca vajenna-marskich praviłaŭ, kab pierakanacca, što ich dziejańni nie pahražajuć suśvietnamu handlu. Paviedamlajecca, što praź Mižziemnaje mora prachodzić 20% handlu, u toj čas jak Paŭdniova-Kitajskaje mora źjaŭlajecca adnym z asnoŭnych handlovych maršrutaŭ.
Kamientary