ЗША абдумваюць магчымасць павелічэння сваёй ваенна-марской прысутнасці ў Еўропе ў сувязі са значнай актыўнасцю расійскіх караблёў і падводных лодак, піша газета Financial Times са спасылкай на заяву кіраўніка ВМС ЗША Джона Рычардсана.
«Іх ваенна-марскі флот настолькі актыўны зараз, што такога не назіралася ўжо каля 20 гадоў», — сказаў генерал у інтэрв'ю.
Расійскі флот сапраўды павялічвае сваю актыўнасць у Ціхім акіяне і ў раёне ўсходняга ўзбярэжжа ЗША, адзначае выданне. Кіраўнік ваенна-марскога флоту Расіі Віктар Чыркоў нядаўна заявіў, што з 2013 года інтэнсіўнасць расійскіх падводных патрулёў павялічылася на 50%.
У сувязі з расійскай ваеннай аперацыяй у Сірыі і заходам амерыканскага эсмінца ў зону КНР у Паўднёва-Кітайскім мора Рычардсан падкрэсліў, што краіны павінны прытрымлівацца ваенна-марскіх правілаў, каб пераканацца, што іх дзеянні не пагражаюць сусветнаму гандлю. Паведамляецца, што праз Міжземнае мора праходзіць 20% гандлю, у той час як Паўднёва-Кітайскае мора з'яўляецца адным з асноўных гандлёвых маршрутаў.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары