Vialikabrytanija nie maje namieru pravodzić naziemnuju apieracyju ŭ Siryi suprać terarystyčnaj hrupoŭki «Isłamskaja dziaržava». Pra heta siońnia zajaviŭ premjer-ministr Karaleŭstva Devid Kemieran u parłamiencie, adkryvajučy dyskusii pierad hałasavańniem z nahody udaraŭ brytanskich karaleŭskich VPS pa pazicyjach isłamistaŭ u SAR, paviedamlajuć infarmahienctvy.
«My vyklučajem praviadzieńnie naziemnaj apieracyi, a taksama prysutnaść našych naziemnych sił u Siryi. Pry ŭdarach z pavietra my budziem paźbiahać achviar siarod mirnaha nasielnictva», — skazaŭ Kemieran.
Taksama brytanski premjer adznačyŭ, što vajennaja apieracyja suprać «Isłamskaj dziaržavy» ŭ Siryi źjaŭlajecca tolki častkaj doŭhaterminovaj stratehii pa ŭrehulavańni situacyi ŭ hetaj krainie. Pavodle jaho słoŭ, mižnarodnaj supolnaści treba budzie realizavać u SAR doŭhaterminovuju stratehiju.
Akramia taho, jon zaklikaŭ nazyvać terarystyčnuju hrupoŭku «Isłamskaja dziaržava» pa jaje arabskaj naźvie — DAIŠ. «Mnie zdajecca, pryjšoŭ čas dałučycca da našych klučavych sajuźnikaŭ u Francyi, Lizie arabskich dziaržaŭ i inšym členaŭ mižnarodnaj supolnaści i vykarystoŭvać jak maha čaściej termin DAIŠ, a nie ID», — skazaŭ Kemieran.
Siońnia brytanski parłamient vyniesie rašeńnie ab tym, ci ŭdzielničać krainie ŭ vajennaj apieracyi suprać terarystaŭ u Siryi. Parłamienckija sprečki ŭ Pałacie abščyn pačalisia roŭna ŭ 14.30. Jak paabiacaŭ Kemieran, jany praciahnucca bolš za 10 hadzin, paśla čaho budzie praviedziena hałasavańnie. Jak čakajecca, inicyjatyva ŭrada pavinna atrymać absalutnuju bolšaść hałasoŭ parłamientaryjaŭ na fonie surjoznaha raskołu pa dadzienym pytańni ŭ Lejbarysckaj partyi, u jakoj jak minimum 40 deputataŭ pavinny padtrymać prapanavanyja Kemieranam pavietranyja ŭdary ŭ Siryi.
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary