U epičnuju historyju trapiŭ futbolny kłub «Minsk». Biaskryŭdnaja i navat pazityŭnaja navina pra toje, što strachavaja kampanija «Task» stała aficyjnym sponsaram kamandy raptoŭna stała cikavaj daloka za prastorami Biełarusi.
Reč u tym, što ŭ ilustracyi da hetaj naviny byŭ skarystany zdymak troch pryhožych dziaŭčat, razmalavanych u sinie-čyrvonyja kolery «Minska». Adnak uvažlivyja karystalniki sacyjalnaj sietki «Ukantakcie» imhnienna znajšli aryhinał hetaha fota.
Na im raźmieščanyja try češskija pornaakciorki, jakija majuć psieŭdanimy Ariel, Caprice i Carisha.
Markietołah «Minska» Alaksandr Bahajčuk raskazaŭ u intervju by.tribuna.com, što rekłamu jany zamovili ŭ adnaho śpiecyjalista. «Aryhinała fota my nie bačyli. Heta, kaniečnie, kasiak. Heta kiepska i niazdorava», — skazaŭ Bahajčuk.
Futbolny kłub «Minsk» zasnavany ŭ 2006 hodzie na bazie kamandy «Źmiena». Kamanda ŭ značnaj stupieni finansujecca Minharvykankamam. «Minsk» byŭ uładalnikam Kubka Biełarusi ŭ 2013 hodzie, a taksama bronzavym pryzioram u 2010-m. Na siońnia kłub treniruje Hieorhij Kandraćjeŭ.
Chaj i nieśviadoma, ale pijar u kłuba atrymaŭsia vielmi ŭdały. Rekłama sapraŭdy vyjšła rezanansnaja.
Ciapier čytajuć
Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»8
Kamientary