Biełaruś raźličvaje na padrychtoŭku novaj stratehii partniorstva z Suśvietnym bankam da nastupnaha hoda, zajaviŭ premjer-ministr Andrej Kabiakoŭ 1 červienia na sustrečy ź vice-prezidentam rehijonu Jeŭropy i Centralnaj Azii Suśvietnaha banka Siryłam Miuleram.
«My zaŭsiody razhladali bank u jakaści važnaha i surjoznaha partniora, jaki maje važkija inviestycyjnyja resursy, samy pieradavy vopyt i viedy. Za 20-hadovuju historyju našaha supracoŭnictva Biełaruś atrymała značnuju finansavuju padtrymku Suśvietnaha banka ŭ ramkach realizacyi sumiesnych prajektaŭ. Za hety čas u raźvićcio važnych kirunkaŭ bankam inviestavana amal 1,5 młrd. dołaraŭ ZŠA lhotnych kredytnych resursaŭ», — cytuje Kabiakova pres-słužba ŭrada.
Premjer-ministr adznačyŭ, što tolki za apošnija šeść hadoŭ Biełaruś atrymała kala 1 młrd. dołaraŭ ZŠA resursaŭ banka. Pavodle jaho słoŭ, heta vielmi pakazalnyja vyniki.
Kabiakoŭ padkreśliŭ, što sa svajho boku Biełaruś hatova prapanavać značny nazapašany vopyt ekśpiertaŭ dla kanstruktyŭnaj pracy nad sumiesnymi prajektami i daśledavańniami. Jon vykazaŭ upeŭnienaść, što ŭsio heta dazvolić padrychtavać da 2017 hoda ŭzvažanuju i efiektyŭnuju novuju stratehiju partniorstva na najbližejšuju pierśpiektyvu.
«U ramkach vypracavanaj prahramy dziejańniaŭ na 2016—2020 hady ŭrad Respubliki Biełaruś maje namier prytrymlivacca vyznačanaha kursu na zabieśpiačeńnie makraekanamičnaj stabilnaści i madernizacyi ekanomiki. Ekanamičnyja pieraŭtvareńni ŭ Biełarusi zakranuć dosyć šyroki śpiektr kirunkaŭ: farmiravańnie efiektyŭnych finansavych rynkaŭ, padtrymku raźvićcia pryvatnaha siektara, ŭmacavańnie sistemy sacyjalnaj abarony, farmiravańnie efiektyŭnych tavarnych rynkaŭ i rynkaŭ pasłuh», — raskazaŭ premjer-ministr.
Kabiakoŭ akcentavaŭ uvahu, što ad Suśvietnaha banka Biełaruś raźličvaje atrymać padtrymku ŭ takich pryjarytetnych kirunkach, jak žyllova-kamunalnaja i transpartnaja infrastruktura, raźvićcio ličbavaj ekanomiki. «Pieršačarhovaj zadačaj dla nas stanovicca realizacyja prajektaŭ u śfiery madernizacyi sistemy ŽKH u metach zabieśpiačeńnia spažyŭcoŭ jakasnymi, nadziejnymi, dastupnymi žyllova-kamunalnymi pasłuhami», — skazaŭ jon.
Kabiakoŭ adznačyŭ, što stratehična važnym taksama źjaŭlajecca raźvićcio tranzitnaha patencyjału krainy. Suśvietny bank užo akazvaje padtrymku ŭ hetym kirunku, i Biełaruś chacieła b zaprasić jaho da ŭdziełu ŭ novym prajekcie pa budaŭnictvie druhoj uźlotna-pasadačnaj pałasy Nacyjanalnaha aeraporta.
Premjer-ministr adznačyŭ značnuju rolu banka ŭ raźvićci ličbavaj ekanomiki ŭ Biełarusi. «Padpisana pahadnieńnie pa prajekcie madernizacyi sistemy kiravańnia dziaržaŭnymi finansami. Idzie aktyŭnaja padrychtoŭka prajekta pa raźvićci elektronnaj achovy zdaroŭja», — zapeŭniŭ Kabiakoŭ.
Pry hetym kiraŭnik urada prapanavaŭ nie spyniacca na hetym i praciahnuć pracu ŭ častcy padrychtoŭki prajekta pa stvareńni Nacyjanalnaj sistemy biespapiarovaha handlu. Taksama jon vykazaŭ imknieńnie da jašče bolš ciesnaha supracoŭnictva z Suśvietnym bankam.
U svaju čarhu Sirył Miuler adznačyŭ, što Suśvietny bank vysoka aceńvaje ŭzrovień uzajemadziejańnia z Respublikaj Biełaruś. Pavodle jaho słoŭ, realizacyja sumiesnych prajektaŭ znachodzicca na vysokim uzroŭni.
Sirył Miuler naviedvaje Biełaruś 1—2 červienia. Čakajecca, što jon sustreniecca z Alaksandram Łukašenkam.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary