Va ŭmovach suśvietnaha kryzisu Biełarusi i Rasii važna abjadnać namahańni ŭ vyrašeńni roznych prablem. Pra heta zajaviŭ Alaksandr Łukašenka 8 červienia, vystupajučy na trecim Forumie rehijonaŭ Biełarusi i Rasii ŭ Minsku.
«Biassprečna, stvareńnie Sajuznaj dziaržavy Biełarusi i Rasii dało mahčymaść u značnaj stupieni aktyvizavać tavaraabarot, ažyćciavić ceły šerah bujnamaštabnych sumiesnych prahram i prajektaŭ. Pryniesła ŭzajemnyja vyhady i stała płatformaj dla raźvićcia adnosin pa mnohich inšych kirunkach, — skazaŭ Łukašenka. — Adnak prychodzicca kanstatavać, što zamiest taho, kab abjadnać namahańni va ŭmovach kryzisu, my vyžyvajem paasobku. Navošta? Prezident Rasii ŭ asnovu taksama pastaviŭ mienavita hetaje pytańnie. Davajcie ŭ hetych umovach budziem razam».
Jon adznačyŭ, što Biełaruś i Rasija, reahujučy na suśvietnyja vykliki, časta abaraniajuć tolki svaje nacyjanalnyja intaresy.
«Biełarusi i Rasii bajacca adzin adnaho niama čaho, — zajaviŭ Łukašenka. — My uzajemadapaŭniajem adzin adnaho pa mnohich pazicyjach. Treba hetym skarystacca. Ale niahledziačy na šmathadovyja intehracyjnyja pracesy, u nas da hetaha času na praktycy nie zabiaśpiečany ŭ poŭnym abjomie roŭnyja ŭmovy dla biełaruskich i rasijskich subjektaŭ haspadarańnia. A heta dazvoliła b pavialičyć vytvorčaść pramysłovaj pradukcyi, stvaryć sotni tysiač pracoŭnych miescaŭ i pierajści da novych ŭzajemavyhadnych prajektaŭ».
Raniej padčas pieramovaŭ z Uładzimiram Pucinym 8 červienia Łukašenka kanstatavaŭ, što bakam pakul nie ŭdałosia pierałamać niehatyŭnuju dynamiku tavaraabarotu. Tak, abjom uzajemnaha handlu za studzień—krasavik 2016 hoda skłaŭ 7,6 młrd. dołaraŭ ZŠA, źniziŭšysia da ŭzroŭniu anałahičnaha pieryjadu 2015 hoda amal na 12%. Ekspart Biełarusi ŭ Rasiju dasiahnuŭ amal 3 młrd dalaraŭ, skaraciŭšysia da adpaviednaha pieryjadu minułaha hoda prykładna na 6%. Impart z Rasii skłaŭ bolš za 4,5 młrd dalaraŭ i źniziŭsia na 15%.
«Ale, što raduje, dziakujučy našym skaardynavanym namahańniam u pieraadoleńni nastupstvaŭ ekanamičnaj niestabilnaści ŭ śviecie tempy padzieńnia tavaraabarotu značna zamarudzilisia. Kali pa vynikach čatyroch miesiacaŭ minułaha hoda ŭzajemny tavaraabarot upaŭ na 30%, to ŭ hetym hodzie źnižeńnie skłała kala 12%, — skazaŭ Alaksandr Łukašenka. — Spadziajusia, što padčas sumiesnaj pracy my zmožam adšukać reziervy dla zamacavańnia stanoŭčaj tendencyi».
«Pavyšeńniu stabilnaści našych ekanomik, rostu dabrabytu biełarusaŭ i rasijan spryjała b źniaćcie jašče isnujučych niekatorych abmiežavańniaŭ va ŭzajemnym handli», — zajaviŭ kiraŭnik biełaruskaj dziaržavy.
Jon padkreśliŭ, što ekanamičny kryzis pavinien źjadnać udzielnikaŭ intehracyjnych pracesaŭ, prymusić ich raźvivać kaapieracyju, unutranyja vytvorčyja łancužki, nie kankuryravać, a ŭzajemadziejničać na źniešnich rynkach.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii31
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary