Siońnia ranicaj trahičnaja navina pastupiła ź Lelčyckaha rajona, paviedamlaje sajt MNS.
Žychary vioski Dziaržynsk vyjavili ŭ race Śćviha cieły troch padletkaŭ.
Dvum ź ich było pa 16 hadoŭ, adnamu 18. Abstaviny zdareńnia vyśviatlajucca.
U suviazi z hetym ratavalniki MNS i Tavarystva ratavańnia na vodach nahadvajuć, što dzieciam nielha dazvalać kupacca biez nahladu darosłych.
Na adpačynku nazirajcie za imi, kali jany hulajuć na bierazie, nie vypuskajcie ich z pola zroku.
Nie dazvalajcie dzieciam nyrać z aharodž abo bieraha i starajciesia spyniać svavolstvy na vadzie.
Papiaredźcie, što płavać možna tolki ŭ śpiecyjalna abstalavanych miescach, niedaloka ad bieraha.
Rastłumačcie dziciaci, što nie varta vychvalacca pierad siabrami umieńniem płavać i ładzić spabornictvy.
Rastłumačcie, jak biaśpiečna siabie pavodzić na vadzie i što rabić, kali niechta pačaŭ tanuć. Kali chtości tonie, to treba vyklikać ratavalnikaŭ pa telefonie 101 abo 112.
Budźcie aściarožnyja.
I, viadoma ž, sami vykonvajcie hetyja praviły — prykład baćkoŭ zaŭsiody lepšy za ŭsialakija słovy.
Nie suńciesia ŭ vadu napadpitku!
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary