7 kastryčnika ŭ Nacyjanalnym centry sučasnych mastactvaŭ (praśpiekt Niezaležnaści, 47) adkryvajecca šviedska-biełaruskaja vystava «Sam-nasam z klimatam».
Vystava padrychtavana pry padtrymcy Pasolstva Šviecyi ŭ Respublicy Biełaruś i Šviedskaha instytuta.
Vystava «Sam-nasam z klimatam» złučaje kłasičny žanr karykatury z aktualnymi praktykami i roznymi miedyja (instalacyja, fatahrafija, kałaž) sučasnaha mastactva, stanovicca asnovaj i fundamientam kamunikacyi bieź miežaŭ, u tym liku moŭnych.
Hety prajekt, metaj jakoha źjaŭlajecca abmierkavańnie pryncypaŭ ustojlivaha raźvićcia hramadstva i raspaŭsiudžańnie viedaŭ pra ekałahičnyja prablemy, startavaŭ jašče ŭ 2010 hodzie i za 5 hod achapiŭ ceły šerah krainaŭ, u tym liku Biełaruś, Šviecyju, Hrecyju, Paŭdniovuju Afryku, Braziliju i inšyja.
U hetym hodzie ambicyjozny prajekt Šviedskaha instytuta finalna realizavaŭsia ŭ bujnoj publikacyi — albomie, jaki źjadnaŭ mastackija i dyskursiŭnyja razvažańni prafiesijanałaŭ roznych krainaŭ śvietu.
U albom patrapili taksama i pracy 6-ci biełaruskich mastakoŭ: Ramana Sustava, Kaciaryny Marcinovič, Aleha Karpoviča, Volhi Sazykinaj, Siarhieja Vołkava i Antaniny Słabodčykavaj.
U ramkach mižnarodnaha prajekta «Sam-nasam z klimatam» i z nahody vypusku alboma ŭ Nacyjanalnym centry sučasnych mastactvaŭ Respubliki Biełaruś projdzie adnajmiennaja šviedska-biełaruskaja vystava.
Vystava składajecca ź dźviuch častak, uklučaje tvory miascovych mastakoŭ i šviedskich karykaturystaŭ i ŭjaŭlaje saboj vizualny šerah ekspazicyi, jakaja dastupnym sposabam uzdymaje pytańni źmieny klimatu pierad hledačom.
U ramkach vystavy adbuducca dva majstar-kłasy.
Majstar-kłas Antaniny Słabodčykavaj «Źmiest. Kanstrukcyja. Vyjava i Sens» prademanstruje sposaby kanstrujavańnia sensu praz kanstrujavańnie vyjavy. Udzielniki papracujuć u technicy kałažu. Znakamitaja biełaruskaja mastačka pracuje ŭ roznych miedyja (videa, instalacyja, abjekt), u pabudovie svaich instalacyj i abjektaŭ vykarystoŭvaje stratehiju kałažu i redzi-mejdu.
Druhi majstar-kłas «Hłybinnaja ekałohija» projdzie pad kiraŭnictvam Volhi Sazykinaj. Aŭtarka pracuje z eka-materiałami, a taksama ź miedytatyŭnymi praktykami. Padčas majstar-kłasa ŭdzielniki paznajomiacca z tvorčaściu znakamitaha i ŭpłyvovaha biełaruskaha aŭtara i papracujuć ź cikavymi technikami stvareńnia mastackaha abjekta.
Majstar-kłasy adbuducca 11 i 20 kastryčnika ŭ Nacyjanalnym centry sučasnych mastactvaŭ (pr-t Niezaležnaści, 47) a 17-aj hadzinie. Uvachod volny. Papiaredniaja rehistracyja pa telefonie: 280-56-08.
Vystava budzie adkrytaja dla naviednikaŭ z 7 pa 22 kastryčnika 2016 h.
Telefon dla daviedak: 280-56-08
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary