«Chacieŭ vyklikać prastytutku i źjeści jaje» — u Minsku sudziać 18-hadovaha chłopca ź bienzapiłoj ANŁAJN, FOTA
A 10-j ranicy ŭ Minskim haradskim sudzie pačaŭsia praces nad 18-hadovym Uładziem Kazakievičam.
Uład Kazakievič - toj samy chłopiec, jaki ŭ kastryčniku 2016 hoda pryjšoŭ ź bienzapiłoj i siakieraj u HC «Novaja Jeŭropa» i zabiŭ tam pradavačku. Moh by i inšych parezać, ale znajšoŭsia chłopiec-pradaviec, jaki jaho pavaliŭ i skruciŭ.
Kazakieviča abvinavačvajuć pavodle niekalkich artykułaŭ, u tym liku vinavaciać u zabojstvie i padrychtoŭcy da zabojstva. Jamu pahražaje ad 6 da 15 hadoŭ pazbaŭleńnia voli. Rasstralać ci asudzić na pažyćciovaje Kazakieviča nie mohuć — na momant złačynstva Uład byŭ niepaŭnaletnim.
Ekśpiertyza pakazała, što padčas złačynstva chłopiec uśviedamlaŭ, što robić. Śledstva vyśvietliła, što za niekalki dzion pierad zabojstvam u handlovym centry, Uład Kazakievič prychodziŭ ź bienzapiłoj va ŭniviersitet (jon vučyŭsia ŭ MIPSA, adkul byŭ adličany). Na ščaście, instrumient prosta nie zavioŭsia.
Ale ž zavioŭsia jon uviečary 8 kastryčnika 2016 hoda, kali Uład napadpitku pryjšoŭ u HC «Novaja Jeŭropa». Jon pasprabavaŭ napaści na žančynu, taja źbiehła, tady chłopiec kinuŭsia na inšuju — dva razy ŭdaryŭ jaje bienzapiłoj. Instrumient zahłuch. Chłopiec dastaŭ z čachła ad hitary siakieru i niekalki razoŭ dabiŭ paranienuju. 43-hadovaja žančyna skanała na miescy. U jaje zastałasia dačka-invalid. Siońnia jana prysutničaje ŭ sudzie, dla jaje pracuje surdapierakładčyk.
Zatym Kazakievič paraniŭ jašče dźviuch žančyn. Paśla čaho jaho skruciŭ chłopiec.
Paciarpiełymi ŭ kryminalnaj spravie prachodziać try žančyny, jakich atakavaŭ Kazakievič, i dačka zahinułaj.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary