Kandydat na pasadu prezidenta Francyi, lidar partyi «Nacyjanalny front» Maryn Le Pien ličyć, što prezident RF Uładzimir Pucin nie zrabiŭ ničoha, kab nazyvać jaho zabojcam. Pra heta jana zajaviła ŭ intervju telekanału CBS News.
Padčas intervju žurnalist Andersan Kupier pastaviŭ Le Pien toje ž pytańnie, jakoje niadaŭna było zadadziena prezidentu ZŠA Donaldu Trampu, pra toje, jak jana stavicca da Rasii i Pucina. U adkaz Le Pien zajaviła, što nie vieryć u pahrozu Rasii dla Jeŭropy.
Paśla taho, jak žurnalist udakładniŭ pytańnie, pryvioŭšy ŭ jakaści prykładu vajennaje ŭvarvańnie Rasii va Ukrainie i anieksiju Kryma, lidar francuzskich nacyjanalistaŭ zajaviła, što pahroza dla Jeŭropy — chałodnaja vajna z Rasija, hetym Jeŭropa «šturchaje Rasieju ŭ ruki Kitaja».
Narešcie Kupier, nazvaŭšy Pucina zabojcam, spytaŭ, ci nie ŭjaŭlaje Rasija pahrozy dla Francyi i inšych krain u rehijonie. «Nie, ja nie vieru, što heta tak. Ničoha Uładzimir Pucin nie zrabiŭ takoha, kab prymusić mianie pryjści da takoj vysnovy», — adkazała Le Pien.
Na pytańnie, ci nie ŭpłyvaje na jaje mierkavańnie pra Pucina toj fakt, što try hady tamu rasijski bank vydaŭ na finansavańnie partyi «Nacyjanalny front» 11 młn dalaraŭ, Le Pien zajaviła, što ŭ jaje niama nijakich abaviazacielstvaŭ pierad Rasijaj, akramia vypłat pa kredycie.
Ciapier čytajuć
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty4
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary