U Hrodnie milicyja pryjšła da piensijaniera ŭ balnicu parazmaŭlać pra mitynh
Dva supracoŭniki milicyi ŭ cyvilnym pryjšli ŭviečary 19 sakavika ŭ lakarniu da piensijaniera Mikałaja Salanika, jaki znachodzicca tam z zapaleńniem lohkich. Milicyjanty chacieli pahutaryć ź im pra marš niedarmajedaŭ, jaki prajšoŭ 15 sakavika ŭ Hrodnie, ale piensijanier admoviŭsia razmaŭlać.
«Napeŭna, mianie chacieli zabrać prosta ź lakarni, chutčej za ŭsio za ŭdzieł u mitynhu 15 sakavika. Sprabavali skłaści niejkija pratakoły. Toje, što ja ŭ balnicy i ŭ mianie zapaleńnie lohkich, nikoha, hladžu, nie chvaluje. Ja skazaŭ, što nie źbirajusia ź imi abmiarkoŭvać hetuju temu. Milicyjantam ja prapanavaŭ: kali chočuć, chaj mianie zabirajuć, skručvajuć i zavoziać, kali zabiaśpiečać naležny miedycynski dahlad. Taksama ja im skazaŭ, što pakul jany nie vyvučać kanstytucyju, ja ź imi razmaŭlać nie budu. Asabista ja ničoha antykanstytucyjnaha nie zrabiŭ i nie źbiraŭsia navat», — raspavioŭ Hrodna.life Mikałaj Salanik.
U piatnicu, 17 sakavika, Mikałaj vyklikaŭ chutkuju i trapiŭ u lakarniu. Vyśvietliłasia, što ŭ jaho zapaleńnie lohkich. Raniej piensijanier byŭ asudžany 14 sakavika na štraf u 8 bazavych vieličyń paśla lutaŭskaj akcyi pratestu ŭ Hrodnie.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary