Kampanija Iłona Maska SpaceX ździejśniła pieršy ŭ historyi paśpiachovy paŭtorny zapusk rakiety-nośbita Falcon 9 u kosmas, što, na dumku mnohich ekśpiertaŭ, źjaŭlajecca značnym rubiažom u historyi asvajeńnia kosmasu.
Pieršaja stupień Falcon 9 praź dzieviać chvilin paśla zapusku paśpiachova pryziamliłasia na płyvučuju płatformu «Of Course I Still Love You» u Atłantyčnym akijanie. Jana ŭžo lotała ŭ kosmas 11 miesiacaŭ tamu.
Meta misii — dakazać na praktycy mahčymaść šmatrazovaha vykarystańnia pieršych prystupak rakiet-nośbitaŭ, što ŭ pierśpiektyvie, pa prahnozie śpiecyjalistaŭ, pavinna mocna patańnić paloty ŭ kosmas.
Papiaredni pusk rakiety adbyŭsia ŭ kancy lutaha. Tady Falcon 9 paśpiachova vyvieła na arbitu bieśpiłotny hruzavy karabiel madeli Dragon.
Pusk byŭ adkładzieny na sutki z-za techničnych niepaładak, jakija pryjšłosia likvidavać prosta na starcie.
U chodzie stvareńnia Falcon 9 i adpracoŭki startu i pasadki rakiety na płatformu adbyłosia try niaŭdačy.
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary