Hramadstva3232

U Minsku adkryli piać novych biełaruskamoŭnych kłasaŭ, a ŭ Mahilovie buduć vučyć pa-biełarusku adnaho pieršakłaśnika

Jašče zimoj administracyja Frunzienskaha rajona Minska hučna abviaściła pra namier adkryć pieršyja kłasy ź biełaruskaj movaj navučańnia ŭ siami ruskamoŭnych škołach. Čakali sioleta baćkoŭ pieršakłaśnikaŭ, achvotnych vučyć dziaciej pa-biełarusku, i ŭ škołach Maskoŭskaha, Partyzanskaha, Kastryčnickaha i Zavodskaha rajonaŭ. Nabirali biełaruskamoŭnyja pieršyja kłasy ŭ Breście, Homieli, Mahilovie.

Fota Siarhieja Hudzilina.

Za niekalki dzion da pačatku novaha navučalnaha hoda my źviarnulisia va ŭsie hetyja škoły i vyśvietlili, nakolki paśpiachova prajšoŭ nabor.

Minsk

Biełaruskamoŭnyja pieršyja kłasy paśpiachova nabrali ŭ škołach:

№ 60 (vulica Karła Libkniechta, 82 — Maskoŭski rajon)

№ 72 (vulica Chałmahorskaja, 59 — Partyzanski rajon)

№ 56 (vulica Kamiennahorskaja, 70 — Frunzienski rajon)

№ 128 (vulica Alšeŭskaha, 59 — Frunzienski rajon)

Pačatkovaja škoła № 112 (vulica Ubareviča, 142 — Zavodski rajon)

U hetych piaci škołach adkryli pa adnym kłasie, u kožnym — da 20 vučniaŭ.

U škoły №168 (Kastryčnicki rajon), №96 (Frunzienski rajon), №151 (Frunzienski rajon), №199 (Frunzienski rajon) źviartalisia baćki, jakija chacieli, kab ich dzieci vučylisia pa-biełarusku, adnak na ceły kłas zajaŭ nie naźbirałasia, i jaho nie adkryli.

Čyrvonym simvałam na mapie paznačanyja škoły, dzie nabrali pieršyja biełaruskamoŭnyja kłasy. Šerym — dzie hetaha zrabić nie ŭdałosia.

Brest

U himnazii №3 (vulica Piśmieńnika Śmirnova, 63) nabrali dva kłasy, u kožnym ź jakich pad 30 čałaviek.

Homiel

U himnazii № 36 imia Ivana Mieleža (vulica Bratoŭ Liziukovych, 16) taksama paśpiachova nabrali kłas. Darečy, druhi hod zapar.

Mahiloŭ

U siaredniaj škole № 1 (vulica Pieršamajskaja, 24) adkryli kłas dla adnaho vučnia.

U 34-j siaredniaj škole achvotnych zusim nie było.

Varta adznačyć, što havorka tut idzie pra novyja kłasy. Nahadajem, što ŭ Minsku i Barysavie dziejničaje 7 biełaruskamoŭnych himnazij i škoł, jakija nabirajuć usie kłasy pa-biełarusku.

Asobnyja biełaruskamoŭnyja kłasy isnavali raniej u Baranavičach, Hrodnie, Mahilovie, Breście. Usiudy jany byli stvoranyja ź inicyjatyvy baćkoŭ. Sioleta ŭpieršyniu inicyjatyva sychodziła ad uładaŭ. 

Biełaruskamoŭnyja škoły dahetul masava isnujuć u miastečkach i vioskach.

Kamientary32

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku10

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić