22 kastryčnika ŭ Minsku pamior movaznaviec, historyk, najlepšy znaŭca movy i tradycyjnaj kultury Bieraściejščyny i Pinščyny, Fiodar Klimčuk. Jamu było 83 hady.
Jon zrabiŭ dźvie ŭnikalnyja spravy: zapisaŭ havorki socień nasielenych punktaŭ Bresckaj vobłaści, a taksama pierakłaŭ na havorku svajho rodnaha siała Symanavičy Novy zapaviet dy tvory Hamiera, Tałstoha i Hohala.
Jon staŭ łaŭreatam Dziaržaŭnaj premii Biełarusi jak adzin z suaŭtaraŭ Leksičnaha atłasa biełaruskich narodnych havorak.
Naradziŭsia jon u 1935 hodzie ŭ rajonie, jaki nazyvajecca Zaharodździe: uradlivaja raŭnina na poŭnač ad paleskich bałot. Z malenstva jaho ciahnuła da navuki. Jon vyvučyŭsia na nastaŭnika i 14 hadoŭ pracavaŭ u škołach rodnaj vobłaści. Užo tady staŭ zapisvać dyjalekty, pieśni, pastupiŭ u aśpiranturu Akademii navuk, a paśla paśpiachovaj abarony dysiertacyi dałučyŭsia da zornaj kamandy Instytuta movaznaŭstva.
Svaju radzimu jon viedaŭ encykłapiedyčna: adnych tolki piesień svajho siała jon znaŭ dzieviać socień.
Apošni hod byŭ, jak kažuć na radzimie Klimčuka, «nyčohi», kiepski: jon mocna chvareŭ, letam jamu adnialisia nohi. Hladzieła jaho siastra.
Siarhiej Doŭhušaŭ sa «Śpieŭnaha schodu» paśpieŭ zapisać pieśni ŭ vykanańni Klimčuka i rychtuje da druku pieravydańnie Jevanhiellaŭ u pierakładzie na symanavickuju havorku.
Instytut movaznaŭstva Akademii navuk, pracy ŭ jakim Fiodar Klimčuk addaŭ usio žyćcio, paviedamiŭ, što raźvitańnie z navukoŭcam adbudziecca 24 kastryčnika a 14-j hadzinie na Alšeŭskaha.
* * *
Voś uryvak ź Jevanhiella ŭ pierakładzie Klimčuka (rasstaŭleny naciski). Poŭny tekst jahonaha pierakładu možna spampavać pa hetaj spasyłcy.
1. Ny sudíte, to j sýdžany ny býdyte;
2. bo jaky′m sudóm sýdyte, taky′m býdyte sýdžany; i jake′iu míryju mírajite, take′iu i vam míratymuť.
3. I šo ty dy′vyśsia na sučká v hókovy svohó bráta, a dyryvy′ny v svojo′mu hókovy ny báčyš?
4. Abó jak skážyš svojo′mu brátovy: «Daj ja tobí vy′jmu z hóka sučká», koły′ v tybe′ samóho v hókovy dyryvy′na?
5. Kryvodýšnyj čołovíče! Vy′jmy zrázu dyryvy′nu s svohó hóka, tody′ pubáčyš, jak dostáty sučká z hóka brátovoho.
6. Ny davájte śviatóho sobákam i ny kładíte svohó sámoho dorohóho py′ryd svyńmy′, šob vony′ ny potoptáły johó nohámy, da še j, povyrnývšyś, vas ny porváły.
Čytajcie taksama:
«Jazyk, na kotorom hovorili moi roditieli, nie umriet». 82-letnij učienyj iz Poleśja vmiestie s mamoj pierievieł Jevanhielije na hovor rodnoj dierievni
Ci nacyjanalny nihilizm — pryrodžanaja rysa biełarusaŭ?
Biełaruskija mužčyny śpiavajuć: vyjšaŭ unikalny dysk
Biełarusy na 800 hadoŭ staražytniejšyja, čym ličyli raniej
Fiodar Klimčuk: Da etnahieniezu biełarusaŭ i ŭkraincaŭ
Zahadka havorki vioski Tarakań (ciapier — Imianin) na Bieraściejščynie
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary