Nie čakajučy ŭvodu ŭ stroj pieršych čatyroch stancyj 3-j linii, budaŭniki mietro rychtujucca da zbudavańnia čarhovych troch, paviedamili karespandentu ahienctva «Minsk-Novosti» u «Minskmietraprajekcie».
2-i puskavy kompleks — heta padziemnaja mahistral praciahłaściu 5,2 kiłamietra. Tudy ŭvachodziać stancyi «Aeradromnaja» (na terytoryi byłoha aeraporta Minsk-1), «Niemaršanski Sad» (na skryžavańni vulic Lejtenanta Kižavatava i Asipovickaj), «Słucki Haściniec» (na skryžavańni vulic Lejtenanta Kižavatava i Karžanieŭskaha).
Na pierahonie ad stancyi «Kavalskaja Słabada» da stancyi «Aeradromnaja» ŭžo prajšoŭsia niemiechanizavany tuneleprachodčy ščyt. U lutym 2019 hoda avijaramontny zavod pavinien pieradać ziamielny ŭčastak pad budaŭnictva «Aeradromnaj». Pakul hety ŭčastak nie pieradadzieny, vyvad ščyta paśla prachodki niemahčymy.
Z troch stancyj tolki na «Aeradromnaj» zaprajektavanyja eskałatary.
Kala stancyi «Aeradromnaj» pabudujuć bujny mižnarodny biznes-centr (zapłanavany ŭ składzie kompleksu «Minsk-Mir»). Trapić u jaho možna budzie prosta ź mietro praz padziemny piešachodny pierachod.
Dla pasažyraŭ z abmiežavanymi fizičnymi mahčymaściami na stancyjach zaprajektavanyja lifty z płatformy da ŭzroŭniu viestybiula i adtul — na pavierchniu.
-
Jana pryniała isłam, a jon palubiŭ draniki. U Mahilovie pabralisia šlubam biełaruska i pakistaniec
-
U Homieli žančynu vysielili ź internata prosta na vulicu. Jana maci dvuch dziaciej, ale heta ŭ zalik nie pajšło
-
Pajšoŭ u bankructva restaran, jaki naležaŭ siamji Zinhmana. Daŭhoŭ bolš čym na miljon dalaraŭ, a majomaści na 389 rubloŭ
Kamientary