Uładzimir Pucin i Alaksandr Łukašenka adznačylisia zabitymi šajbami padčas trenirovačnaha chakiejnaha matču na ladovaj arenie «Šajba» u Sočy. Kamanda «Tyhry», za jakuju hulali abodva lidary, pieramahła kamandu «Miadźviedzi» ź likam 16:1.
Matč praciahvaŭsia try pieryjady pa 15 chvilin. «Tyhry» vystupali ŭ bieła-čyrvonaj formie (tolki ŭ Łukašenki była zialonaja pałoska i ŭzor ź biełaruskaha ściaha, a ŭ Pucina — rasijski trykałor), «Miadźviedzi» byli apranutyja ŭ čyrvona-sinija švedry. U adnoj kamandzie z prezidentami hulaŭ taksama Kola Łukašenka, jon vychodziŭ na lod pad tym ža numaram 1, što i jaho baćka. Pucin hulaŭ pad numaram 11.
Jak Pucin, tak i Alaksandr i Mikałaj Łukašenki, adznačylisia zakinutymi šajbami padčas hulni, pryčym u šerahu vypadkaŭ uziaćcie varot zakančvalisia kambinacyjaj mienavita ŭ źviazcy Pucin — Łukašenka — Łukašenka.
Da pačatku hulni, paśla raźminki, a taksama padčas pierapynkaŭ Pucin i Łukašenka razmaŭlali pamiž saboj na łaŭcy, taksama hutaryli i ź inšymi ŭdzielnikami matču i haściami.
Padčas pierapynkaŭ na arenie hrała rasijskaja i biełaruskaja papularnaja muzyka, u pryvatnaści pieśni hurtoŭ «Lube» i «Pieśniary».
Kola Łukašienko idiot po stopam svojeho otca. On tožie lubitiel zimnich vidov sporta. Siehodnia syn i papa syhrajut s Putinym na odnom ldu pod N 1. Pričiom oba pic.twitter.com/qeeu8N85Vj
Ciapier čytajuć
Azaronak napisaŭ pra palitemihranta — paśla hetaha brata i baćku taho kinuli za kraty1
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary