Pavodle infarmacyi pres‑słužby dypmisii, E.Šapira «rady, što pryjechaŭ pracavać mienavita ŭ Biełaruś, i zaznačyŭ, što dla jaho vialiki honar być pasłom Dziaržavy Izrail mienavita ŭ hetaj krainie».
14 studzienia pasoł pačnie pracavać u dypłamatyčnym pradstaŭnictvie, a na nastupnym tydni płanujecca jaho sustreča ź ministram zamiežnych spraŭ Biełarusi Siarhiejem Martynavym. U najbližejšy čas E.Šapira spadziajecca dać pres‑kanfierencyju, adnak heta adbudziecca nie raniej za jaho aficyjnaje ŭvachodžańnie na pasadu pasła.
Jak raniej paviedamlaŭ BiełaPAN, biełaruskija ŭłady źviazvajuć z pryjezdam novaha pasła Izraila «peŭnyja nadziei na pazityŭnyja zruchi ŭ dvuchbakovych adnosinach».
Pavodle infarmacyi izrailskich ŚMI, 46‑hadovy E.Šapira dobra vałodaje ruskaj movaj i źjaŭlajecca adnym z najbolš spraktykavanych izrailskich dypłamataŭ, jakija pradstaŭlali svaju krainu ŭ postsavieckich dziaržavach. Jon emihravaŭ z Kišyniova razam z baćkami ŭ 11 hadoŭ. Va univiersitecie Tel‑Aviva atrymaŭ dypłom pa kiravańni biźniesam. Dypłamat nie žanaty, cikavicca teatram i lubić kłasičnuju muzyku. U 2003—2004 hadach E.Šapira pracavaŭ u izrailskim pasolstvie ŭ Rasii, a da hetaha — u dypłamatyčnych pradstaŭnictvach Izraila va Ukrainie, Uźbiekistanie i Tajłandzie, zajmaŭ pasadu namieśnika kiraŭnika pres‑słužby MZS Izraila pa Uschodniaj Jeŭropie i SND.
Sa śniežnia 2004 hoda pasolstva Izraila ŭ Biełarusi ŭznačalvaŭ Ziejeŭ Bien‑Arje.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii28
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary