Zasnavalnik Tut.by Juryj Zisier i jaho žonka, piśmieńnica Julija Čarniaŭskaja, na Radaŭnicu naviedali Kurapaty i dałučylisia da varty kala restarana «Pojediem pojedim».
«Les smutku. A vazončyki na sietkavatym płocie — nou-chau ŭpaŭnavažanych asob. Zamiest kryžoŭ — «pryhožańki paradačak». Pry nas padjechała mašyna, kiroŭca paprasiŭ dźvie «cikavyja ŭlotački» i pajechaŭ u restaran. Darečy, nichto jamu pieraškod nie čyniŭ: u padučaj nie biŭsia, nie kusaŭ jaho za nahu ci za koła i pad mašynu nie kidaŭsia. Nu, moža, kamuści pieradaść ulotku, chto zrazumieje…» — napisała ŭ svaim fejsbuku Julija Čarniaŭskaja.
Jury Zisier byŭ siarod achviaradaŭcaŭ na stvareńnie narodnaha miemaryjału na miescy pachavańnia achviaraŭ stalinskich represij u Kurapatach.
Abaroncy miemaryjała byli vielmi ŭściešanyja simvaličnaj padtrymkaj z boku Juryja Zisiera.
«Adstajali vartu BCHD u Kurapatach. Vychodny, było kala 30 mašynaŭ. Abaroncaŭ — čałaviek 15 za dzień. Vializnaja padziaka ŭsim, chto padtrymaŭ!
Volha Huleckaja pryviezła jabłyčny piroh z kavaj, Julija Frałova zładziła malitvu na varcie, Iłaryjon Trusaŭ sa ściaham byŭ uvieś viečar.
A 19-j supolnuju malitvu na kurapackaj Hałhofie praviali jevanhielskija chryścijanie z [carkvy] Jana Pradvieśnika.
Admietna, što na vartu zavitali zasnavalnik partała Tut.baj Juryj Zisier (jaki šmat achviaravaŭ na miemaryjał u Kurapatach) i jahonaja žonka kulturołah Julija Čarniaŭskaja. Dziakuj! Vierym, možam, pieramožam!» — napisaŭ u siabie ŭ fejsbuku adzin z arhanizataraŭ pratestaŭ suprać restarana «Pojediem pojedim» Pavieł Sieviaryniec.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk16
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary