Zładziei mohuć skraści aŭtamabil ź biezklučavym dostupam za 10 siekund
Uzłamać niekatoryja novyja madeli aŭtamabilaŭ i ŭleźci ŭ ich možna za ličanyja siekundy. Usio praz uraźlivaść sistemaŭ biezklučovaha dostupu, piša VVS.
Takija bieskantaktavyja sistemy dazvalajuć adčyniać i zavodzić mašyny, nie dastajučy kluč z kišeni. Jany raspaznajuć, kali haspadar padychodzić da mašyny, i jany aŭtamatyčna admykajuć dźviery i zapuskajuć ruchavik.
Brytanski aŭtamabilny časopis What Car? pravieryŭ, jak pracujuć hetyja sistemy ŭ niekalkich papularnych madelach aŭtamabilaŭ, i pratestavali, nakolki chutka złamyśniki mohuć patrapić u ich.
Vyjaviłasia, što ŭ aŭtamabil Audi TT RS možna patrapić usiaho za 10 siekund, a ŭ Land Rover Discovery Sport TD4 — za 30 siekund.
Padčas ekśpierymientu What Car? vykarystoŭvalisia tyja ž pryjomy, jakija vykarystoŭvali złačyncy.
Šerah aŭtavytvorcaŭ, u pryvatnaści VW Group i PSA Peugeot Citroën, zajavili What Car?, što supracoŭničajuć z palicyjaj i strachavymi kampanijami, kab vyjavić niedachopy ŭ sistemach bieźlučavych dostupu i pracujuć nad ich vypraŭleńniem.
PSA Peugeot Citroën adznačaje, što pa prośbie ŭładalnikaŭ aŭtamabilaŭ dylery mohuć adklučyć hetyja sistemy.
Pradstaŭniki Land Rover vyniki ekśpierymientu What Car? nie kamientavali.
Jak złačyncy padmanvajuć sistemu dostupu biez klučavych?
Zładziei zazvyčaj pracujuć parami, i ich meta — mašyny, pryparkavanyja kala doma ŭładalnika.
Adzin sa złačyncaŭ znachodzicca pobač z domam: u rukach jon trymaje śpiecyjalny prybor, što łović radyjosihnał sa smart-kluča, uzmacniaje jaho i retranśluje na inšuju pryładu, raźmieščanuju pobač z aŭtamabilem.
Sistema biezklučavoha dostupu razhladaje heta tak, nibyta ułaśnik padyšoŭ da mašyny z sapraŭdnym smart-klučom i adamknuŭ dźviery.
U toj ža čas niekatoryja aŭtavytvorcy niadaŭna ŭdaskanalili ŭłasnuju sistemu dostupu biez kluča — naprykład, dadaŭšy da jaho datčyk ruchu.
What Car? padčas ekśpierymientu nie ŭdałosia trapić u aŭto, abstalavanaje takim datčykam.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary