Va Ukrainie vieterynar z Homiela zabiŭ siabroŭku, razabraŭ cieła i vykinuŭ u kanał

Dniaproŭski rajonny sud Kijeva zadavoliŭ chadajnictva śledstva ab praviadzieńni stacyjanarnaj kamisijnaj kompleksnaj sudovaj psichołaha-psichijatryčnaj ekśpiertyzy ŭ dačynieńni da ŭradženca Homiela, jaki pracavaŭ u stalicy Ukrainy vieterynaram. Mužčyna padazrajecca ŭ zabojstvie 35-hadovaj kijaŭlanki, paviedamlajuć Mocnyja naviny.

Pavialičyć

U siaredzinie žniŭnia ŭ Rusanaŭskim kanale ŭ Kijevie i inšych miescach byli vyjaŭlenyja čornyja polietylenavyja pakiety z čałaviečymi pareštkami. U vyniku apieratyŭna-vyšukovych mierapryjemstvaŭ asoba achviary była vyśvietlenaja, a pa padazreńni ŭ ździajśnieńni zabojstva byŭ zatrymany znajomy žančyny. Im akazaŭsia 38-hadovy chałaściak, uradženiec Homiela, jaki maje hramadzianstva Ukrainy, da zatrymańnia jon pracavaŭ vieterynarnym lekaram 1 katehoryi ŭ Kijeŭskaj haradskoj balnicy vieterynarnaj miedycyny.

Pavialičyć

«Mocnym navinam» stali viadomyja padrabiaznaści hetaha žudasnaha złačynstva.

Pa źviestkach śledstva, mužčyna zaprasiŭ da siabie dadomu znajomuju z metaj «adpačynku i pryjomu ałkaholnych napojaŭ». Poźniaj nočču, kali para znachodziłasia ŭ spalni, pamiž imi ŭźnikła svarka. Vieterynar padyšoŭ da šafy, uziaŭ nož i ŭdaryŭ u pravaje voka žančyny. Achviara straciła prytomnaść i ŭpała na kanapu. Zatym, jak paviedamlajecca ŭ materyjałach spravy, uradženiec Homiela, «uśviedamlajučy charaktar ​​svaich supraćpraŭnych dziejańniaŭ i fakt zabojstva, vyrašyŭ źniščyć ślady złačynstva, u suviazi z čym adnios cieła ŭ vanny pakoj, dzie ŭ dalejšym, vykarystoŭvajučy kuchonny nož, siakieru i nažoŭku pa mietale pa čarzie adździaliŭ častki cieła achviary». Potym zabojca skłaŭ pareštki ŭ miaški i ŭ niekalki pryjomaŭ vynies ich z kvatery.

Adrazu paśla zatrymańnia mužčyny śledstva źviarnułasia ŭ sud z chadajnictvam ab užyvańni da jaho miery strymańnia ŭ vyhladzie ŭtrymańnia pad vartaj. Advakat i padazravany piarečyli i prasili abmiežavacca chatnim aryštam. Abaronca zajaviŭ, što jaho klijent nie pamiataje abstavinaŭ ździejśnienaha złačynstva, a pamiataje tolki raśsiačeńnie cieła. Jon nie vyklučaŭ, što zabiŭ chtości inšy. Vieterynar svaju vinu pryznaŭ, ale zaŭvažyŭ, što nie pamiataje całkam abstavinaŭ ździajśnieńnia złačynstva, pakolki byŭ u stanie ałkaholnaha apjanieńnia, i chavacca ad śledstva nie budzie.

Sud vyrašyŭ aryštavać padazravanaha na 60 sutak. U chodzie śledstva było pryniata rašeńnie pravieryć vieterynara na najaŭnaść śviadomaści. Psichijataram treba budzie adkazać na dva dziasiatki pytańniaŭ. Ad ich zaležyć dalejšy los mužčyny. Pakul ža jamu pahražaje pakarańnie ŭ vyhladzie pazbaŭleńnia voli na termin ad 7 da 15 hadoŭ.

• 0
• 0
• 0
• 0
• 0
• 0
• 0
• 0