U Polščy płanujuć stvaryć tank novaha pakaleńnia

Prajekt Main Ground Combat System byŭ inicyjavany Hiermanijaj i Francyjaj. Paśla zakančeńnia raspracoŭki mašyna novaha pakaleńnia pavinna zamianić i «Leapard-2», i «Leklerk». Z 2016 hoda Polšča viadzie pieramovy ab udziele ŭ hetaj prahramie, adnačasova razhladajučy mahčymaść raspracoŭki svajho tanka novaha pakaleńnia Wilk («Voŭk»).

Adnak, pa apošnich źviestkach, novy jeŭrapiejski tank budzie skončany i pačnie pastupać u vojski nie raniej čym praz 20 hadoŭ. Pakul niemcy i francuzy zdavolvajucca madernizacyjaj najaŭnych mašyn.

Polšča, sa svajho boku, znachodzicca ŭ inšaj situacyi, čym Francyja i Hiermanija. U Varšavy našmat bolš tankaŭ, ale jany bolš staryja. 550 z 800 mašyn składajuć T-72 i ich polskaja viersija PT-91. Tamu prahrama Wilk atrymaje pryjarytet pierad udziełam u jeŭrapiejskich prajektach.

U krainie jość mahutnaja vytvorčaja baza, uklučajučy zavod Bumar-Łabędy, zdolny vyrablać i madernizavać ABT, i inšyja pradpryjemstvy. Jon užo maje vopyt madernizacyi i T-72, ​​i niamieckich Leopard2A4. Prahrama pa stvareńni novaha tanka moža zahruzić hety i inšyja zavody, i jana ž stanie apošnim šancam dla abaronnaj pramysłovaści zachavać svaje mahutnaści i jak vynik — zdolnaść raspracoŭvać tanki. Adnak kali svoječasova nie zadumacca pra novuju mašynu zaraz, napracoŭki buduć niezvarotna zhublenyja: dvaccać hadoŭ pramysłovaść čakać nie zmoža.

Alternatyvaj prajektu MGCS moža stać nabyćcio technałohij vytvorčaści inšaha tanka — takoha jak Leopard 2A7 abo karejski K-2. Kampanija Hyundai Rotem sumiesna z H. Cegielski-Poznań užo prasoŭvaje na polskim rynku tank K-2PL, adaptavany da śpiecyfičnych patrabavańniaŭ Polskich uzbrojenych sił i z vykarystańniem polskich kamplektujučych.

Inšy varyjant prapanavaŭ vice-prezident polskaj zbrojevaj kampanii PGZ Siebaśćian Chvalek. Jon miarkuje, što aptymalnym varyjantam stała b vytvorčaść tanka na asnovie ŭžo najaŭnych mašyn, ale z maksimalnaj dolaj polskich kamplektujučych i napracovak.

Vytvorčaść ułasnaha tanka važna pa finansavych mierkavańniach: košt prahramy Wilk aceńvajecca ŭ dziesiatki miljardaŭ jeŭra, kali havorka idzie pra zamiežnyja mašyny. Adzin Leopard 2A7 kaštuje 13-15 miljonaŭ jeŭra, heta značyć 550 tankaŭ, patrebnych dla zamieny T-72 i PT-91, buduć kaštavać užo 7-8 miljardaŭ jeŭra. Doraha budzie kaštavać i ich ekspłuatacyja.

Na siońniašni dzień prahramy Wilk i MGCS znachodziacca na pačatkovaj stadyi, i šmat što moža źmianicca. Tak, mahčymy varyjant raspracoŭki novaha tanka sumiesna ź italjancami, jakija chočuć sabie novuju mašynu na źmienu C-1 Ariete.

• 0
• 0
• 0
• 0
• 0
• 0
• 0
• 0