Sud Bresckaha rajona 17 červienia razhledzieŭ administracyjnuju spravu pres-sakratara inicyjatyŭnaj hrupy pretendenta ŭ kandydaty ŭ prezidenty Śviatłany Cichanoŭskaj, błohiera i aktyvista ruchu pa baraćbie z akumulatarnym zavodam Alaksandra Kabanava, paviedamlaje spring96.org.
15 červienia Kabanava źmiaścili ŭ izalatar časovaha ŭtrymańnia Leninskaha RAUS Bresta. Pratakoł administracyjnaha pravaparušeńnia ŭ dačynieńni da błohiera byŭ składzieny na padstavie č. 3 art. 23.34 KaAP za toje, što ŭ jaho videaroliku, raźmieščanym na kanale «Narodny reparcior», jon zaklikaŭ hramadzian «karmić hałuboŭ».
«Ja maju prava krytykavać dziejańni ŭłady, heta mnie harantuje Kanstytucyja, i mnie heta voś usio staviać u vinu», — skazaŭ na sudzie Kabanaŭ.
Sud pryznaŭ Kabanava vinavatym i pakaraŭ aryštam terminam na 15 sutak. Adlik pačaŭsia z dnia zatrymańnia — 15 červienia.
Ciapier čytajuć
Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi11
Kamientary