Śpiavačka Ryta Dakota salidaryzavałasia ź biełarusami: Heta strašna. I baluča. Ad niespraviadlivaści zvodzić skivicu
Svajo staŭleńnie da palityčnych padziej u Biełarusi Ryta Dakota vykazała na svajoj staroncy ŭ instahramie i źmiaściła vierš Žyłki.
«Heta vierš Uładzimira Žyłki, jaki pieriedaje ŭvieś moj bol pra padziei, jakija ciapier adbyvajucca ŭ majoj rodnaj krainie.
Ja try razy siońnia pisała hety post. Z čaćviortaj sproby dumki taki lehli ŭ skazy.
Dumaju, usie čuli pra padziei, jakija adbyvajucca ciapier u Biełarusi. Heta strašna. I baluča. Ad niespraviadlivaści zvodzić skivicu.
Biełaruś — moj dom. Maja Radzima. Kavałak majho serca. U jakich by krainach ja ni atrymlivała pryznańnie — ja biełaruska i vielmi hanarusia hetym. Ja bulba, dziaŭčynka z Kamaroŭki.
Majo serca ablivajecca kryvioju ad taho, što ja baču ciapier. Jak mnie škada ludziej… Maja duša balić razam z vašymi.
Maja Mija ciapier u Minsku ŭ babuli. My žyviom u centry, niedaloka ad steły. I mnie strašna ŭśviedamlać, što ja nie zmahu prosta pahulać sa svaim dziciom viečaram u parku i być u biaśpiecy, kali pajedu jaje zabirać ad babuli praz tydzień. Što nie zmahu ŭviečary prahulacca pa praśpiekcie ź Vikaj. Mnie strašna za rodnych, za siabroŭ, ja ŭ žachu i ŭ šoku.
Ja nie viedaju, što ja mahu zrabić, kab padtrymać svoj narod. Ja nie revalucyjanier, nie apazicyjanier i nie palityčny rupar. Dy ja zusim nie chacieła vykazvacca pra heta da apošniaha, uśviedamlajučy (asabliva paśla situacyi z Rehinaj), jakaja armija pojdzie za mnoj, što b ja ni skazała. Mianie zadziaŭbli navat paśla apošniaha pasta z tatuiroŭkami, što ja razvodžu siektu i zambiruju ludziej, maich prychilnikaŭ, iści za saboj. Tamu ja z hetaha času prytrymlivajusia parady Maci Terezy: nikoli nie ŭdzielničać u mitynhu «suprać vajny», kali možna ŭdzielničać u mitynhu «za luboŭ».
Uśviedamlajučy svaju adkaznaść, ja filtruju kožnaje skazanaje słova. Zaklikać da niečaha nie mahu i nie chaču. Ja chaču, kab vy zastavalisia ŭ biaśpiecy ŭ pieršuju čarhu i ŭ druhuju — rabili toje, što zahadvaje vam serca i sumleńnie.
Lepšaje, što ja mahu zrabić dla svaich biełaruskich kitoŭ, — heta jak maha chutčej pryjechać z kancertam i abniać vas svajoj muzykaj. Napeŭna, heta ŭvohule adzinaje pravilnaje, što moža rabić artyst i muzykant.
Ja vielmi vieru ŭ toje, što na hety raz spraviadlivaść pieramoža. I što dziela hetaj spraviadlivaści nie budzie pralivacca kroŭ i nie buduć razburacca ludskija žyćci.
Ludzi, ja z vami ŭvieś čas», — napisała Dakota.
Čytajcie taksama: Šoŭmien Andrej Bond: My nie narodziec, my narod. Adzin dubčyk možna złamać, a ceły vienik — nie
Žonka futbalista zbornaj sprabuje trapić u vybarčuju kamisiju: Chaj mianie rasstralajuć, ja nie chaču žyć u takoj krainie
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ44
Kamientary