Ułada88

«Ty ŭ palityku ŭlez, uciahnuŭ katalikoŭ»: Łukašenka skazaŭ, što Kandrusievič akazaŭsia ŭ śpisie nieŭjaznych

Padčas vizitu ŭ Baranavičy žurnalisty spytali Łukašenku pra situacyju ź mitrapalitam Minska-Mahiloŭskim arcybiskupam Tadevušam Kandrusievičam, jaki nie zmoh ujechać u Biełaruś, i nivodnaje ź viedamstvaŭ nie kamientuje hetuju situacyju. U suviazi z hetym kiraŭnik dziaržavy padkreśliŭ, što heta pytańnie ciapier vyvučajecca, piša BiełTA.

«Ja nie skažu, što ŭ mianie poŭnaja infarmacyja, jana ŭvieś čas mianiajecca. My ciapier uvažlivym čynam adsočvajem ŭsich, chto ŭjazdžaje-vyjazdžaje», — źviarnuŭ uvahu Alaksandr Łukašenka.

Jon raspavioŭ, što kiraŭnik Katalickaj Carkvy niečakana vyjechaŭ dla kansultacyj u Varšavu i, atrymaŭšy peŭnyja zadačy, viartaŭsia ŭ Biełaruś i trapiŭ u hety śpis nieŭjaznych, jaki ahulny ŭ Biełarusi i Rasii.

«Nie tolki jon adzin, prosta jon — bolš viadomaja fihura», — udakładniŭ Alaksandr Łukašenka, raspavioŭšy, što źjaviłasia infarmacyja ab mahčymaści najaŭnaści ŭ Tadevuša Kandrusieviča nie adnaho hramadzianstva.

«My vyvučajem, ja heta nie śćviardžaju. Chočam vyvučyć pytańnie. Kali tam usio čysta i pa zakonie, pastupim pa zakonie. Nam nie važna, chto jon — hałoŭny katalik, hałoŭny pravasłaŭny ci hałoŭny musulmanin. Pavinien žyć pa zakonie.

A kali ty jašče i ŭ palityku ŭlez i paciahnuŭ za saboj viernikaŭ, katalikoŭ, jakija vydatnyja ludzi, tady padvojnaja adkaznaść», — adznačyŭ kiraŭnik dziaržavy.

«Vy ž pahladzicie, my kaścioły nie zakryli, navat kali jany viali antyłukašenkaŭskuju, antydziaržaŭnuju prapahandu, — praciahnuŭ jon. — My ich nie začynili, naadvarot, sprabujem padtrymać, abaranić. Vy heta bačyli na płoščy (Čyrvony kaścioł). Praŭda, fejk zładzili, što my tam u kaścioł nie puskali». Maŭlaŭ, AMAP abaraniaŭ ad natoŭpu mitynhoŭcaŭ tych, chto maliŭsia ŭ chramie.

«Jakija b tam asoby ni byli (Kandrusievič, Łukašenka i inšyja), kaścioły pracavali i buduć pracavać, tamu što malitva, vierniki, ich daroha da chrama — heta śviatoje. Ja zaŭsiody kazaŭ, što ŭ kožnaha biełarusa pavinna być svaja daroha da chrama, i my heta śviata vykonvajem».

Kamientary8

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Zialenski prapanavaŭ pravieści trochbakovuju sustreču z Pucinym i Trampam

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku11

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić