Warner Music patrabuje płatu za vykarystańnie pieśni «Jerusalema»
Tancavalny fłešmob «Ijerusalim» staŭ virusnym va ŭsim śviecie. Adnak Warner Music ciapier patrabuje płatu za vykarystańnie pieśni.
Za apošnija miesiacy ŭ śviecie było nie tak šmat mahčymaściaŭ, kab stvaryć pačućcie jednaści, bo ŭ bolšaści krain praciahvajecca karancin i zachoŭvajucca strohija praviły sacyjalnaj dystancyi.
Adnak tancavalny fłešmob pad pieśniu «Jerusalema» staŭ tym sposabam, kab padbadzioryć siabie ŭ składany čas. Ludzi va ŭsim śviecie pačali zapisvać videa, na jakich jany tancujuć pad pieśniu paŭdniovaafrykanskaha vykanaŭcy Master KG, što jon vypuściŭ u kancy 2019 hoda.
Hety fłešmob padchapili i biełarusy. Ledź nie kožny rajon Minska zapisaŭ videa, dzie miascovyja žychary ŭ bieł-čyrvona-biełym adzieńni razam tancujuć pad adnu z samych viadomych piesień 2020 hoda.
Adnak studyja hukazapisu Warner Music, ź jakoj Master KG zaklučyŭ kantrakt, patrabuje licenzijnyja zbory za vykarystańnie pieśni ŭ videa.
Pradstaŭnik Warner Music paviedamiŭ DW, što pryvatnym asobam nie treba atrymlivać licenziju na vykarystańnie pieśni ŭ miežach fłešmobu. Adnak kali ŭ videa nazirajecca «rekłamny abo imidžavy efiekt na karyść ustanovy, kampanii ci arhanizacyi», to tut majuć miesca pieramovy nakont atrymańnia licenzii.
Heta rašeńnie viadomaj studyi hukazapisu vyklikała šyrokuju niehatyŭnuju reakcyju ŭ sacyjalnych sietkach. Kampaniju abvinavačvajuć u imknieńni nažycca na viadomym fłešmobie, što ŭ vyniku pryviadzie da straty jaho papularnaści ŭvohule.
Adnak pry hetaj chvali krytyki jurysty vymušanyja pryznać, što vykarystańnie pieśni ŭ videa biez dazvołu vykanaŭcy — parušeńnie aŭtarskich pravoŭ.
«Naša zadača — zabiaśpiečyć artystam spraviadlivy hanarar za vykarystańnie ich muzyki», — adznačaje kampanija Warner Music. Muzykanty taksama pakutujuć ź finansavaha punktu hledžańnia ad pandemii. Kali pieśnia vykarystoŭvajecca biez dazvołu, to vykanaŭca hublaje aŭtarski hanarar.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary