«Usio heta lipa ad pačatku i da kanca. Viny svajoj nie pryznaju». Jaŭhiena Ziałkoŭskaha z Homiela za mulažy vybuchoŭki asudzili na 3,5 hoda kałonii
U sudzie Centralnaha rajona Homiela 18 maja vyniesieny prysud pa kryminalnaj spravie ab zakładcy «mulaža vybuchoŭki», piša spring96.org.
Na łavie padsudnych — 31-hadovy Jaŭhien Ziałkoŭski. Spačatku jaho vinavacili ŭ asabliva złosnym chulihanstvie pa č. 3 artykuła 339 KK RB, za što praduhledžanaja kryminalnaja adkaznaść u vyhladzie pazbaŭleńnia voli až da 10 hod, potym artykuł źmianili na častku 2. Sud prachodziŭ faktyčna ŭ zakrytym režymie.
Spravu razhladała sudździa Alesia Osipava.
Mužčynu abvinavačvali ŭ tym, što vosieńniu minułaha hoda jon dvojčy ŭstaloŭvaŭ u biaźludnych miescach bieł-čyrvona-biełyja ściahi, raźmiaščajučy pablizu skrynki, jakija možna było pryniać za vybuchovyja pryłady. Na spravie ž u skrynkach znachodzilisia para padšypnikaŭ, pietarda bieź źmieściva i karykatura na AMAP.
U apošnim słovie Jaŭhien Ziałkoŭski pakazaŭ na mnohija supiarečnaści i niestykoŭki ŭ materyjałach śledstva, raspavioŭ, što miesca, dzie znajšli nibyta vybuchoŭku, było razrytaje amapaŭcami jašče da pryjezdu śpiecyjalistaŭ piratechničnaj słužby, ściah valaŭsia na ziamli. Musić amapaŭcy viedali, što tam ničoha vybuchnuć nie mahło. I nijakaj niebiaśpieki mulaž nie ŭjaŭlaŭ. Značyć zmanili.
«Ja hramadzianin svajoj krainy, lublu svoj narod i maju prava vykazvać svajo mierkavańnie, a hramadzianski paradak ja nie parušaŭ. U čym ža vy mianie abvinavačvajecie? Ździejśniŭ z asablivym cynizmam… palityčnaja varažnieča… Kali hety narod zatrymlivajuć, załomlivajuć ruki, traviać hazam — dyk voś heta i jość palityčnaja varažnieča. Palityčnaj varažniečy bolš u dziejańniach supracoŭnikaŭ orhanaŭ, jakija paśla majho źmiaščeńnia ŭ IČU, chłusiać u tvar ciažarnaj žoncy, što nie viedajuć, dzie ja znachodžusia. Za toj čas, jaki ja pravioŭ u SIZA, ja pierakanaŭsia, nakolki ŭ nas dobryja ludzi. Byŭ hvałt, psichałahičny cisk na mianie i śviedak. Tamu i mianiali jany niekalki razoŭ svaje pakazańni», — kazaŭ jon.
«Usio heta lipa ad pačatku i da kanca. Viny svajoj ja nie pryznaju».
Siońnia sudździa suda Centralnaha rajona Alesia Osipava vyniesła prysud Jaŭhienu Ziałkoŭskamu — 3.5 hoda pazbaŭleńnia voli ŭ kałonii ahulnaha režymu.
-
Ministr adukacyi raskazaŭ, chto budzie adkazvać za zachavanaść mabilnikaŭ, jakija buduć zabirać u školnikaŭ
-
Bajkier z chvastom. Brescki džek-raseł na matacykle staŭ zorkaj TikTok
-
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj11
Kamientary