Met Dejman źniaŭsia ŭ dziŭnaj rekłamie — i jana zrabiłasia virusnaj
U kancy minułaha hoda amierykanski akcior źniaŭsia ŭ davoli dziŭnym rekłamnym roliku. Na dniach videa pakazali pa telebačańni padčas važnaha matča, i sacsietki zaburlili.
Deviz rekłamy z Dejmanam — «udača lubić śmiełych». U videa, źniatym u styli trejleraŭ bajevikoŭ, Dejman paraŭnoŭvaje kryptavaluty z najvialikšymi dasiahnieńniami čałaviectva, i prapanuje nabyvać kryptu praz adpaviedny resurs.
Samaje papularnaje słova ŭ vodhukach pra rekłamu — «zaškvar». Ludzi pišuć, što Dejman u roliku padobny da zombi, i ličać sam fakt źjaŭleńnia takoj rekłamy haniebnym.
Typovy vodhuk: słava i śmiełaść — pryčym jany da kryptavaluty?
Rynak krypty niestabilny, jaho nichto nie rehuluje, mnohija kryptavaluty mohuć akazacca burbałkami.
Dejman — nie pieršaja zorka, što rekłamuje kryptavalutu. Raniej u anałahičnaj rekłamie źnialisia supierzorka amierykanskaha futboła Tom Brejdzi i jaho žonka madel Žyzel Biundchien. Kryptavaluty pijaryli taksama aktrysa Ryz Uizierspun i repier Snup Doh, a telezorka Kim Kardašjan paśla rekłamy krypty navat atrymała pozvu ŭ sud. Zhodna z pretenzijaj, jakuju nakiravali ŭ adras amierykanki ŭ studzieni, jana i baksior Fłojd Mejuezier-małodšy rekłamavali machlarskuju kryptavalutu i tym samym schilali inviestaraŭ kuplać jaje pa zavyšanych cenach.
Układvać hrošy ŭ kryptu ryzykoŭna. Samaja viadomaja z kryptavalut, bitkojn, doŭhi čas rasła, ale apošni čas rost źmianiŭsia padzieńniem.
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary