«Hałoŭnaje, što my pravasłaŭnyja, i nam niama čaho dzialić». Znajšli mietadyčku rasijskich vajskoŭcaŭ pra toje, jak havaryć z ukraincami
Vałanciorka Miełanija Padalak apublikavała znojdzienuju ŭ Kijeŭskaj vobłaści mietadyčku US RF pa razmovach z nasielnictvam.
Dla rasijskich vajskoŭcaŭ isnavali admysłovyja instrukcyi, jak razmaŭlać i farmulavać svaje dumki pierad nasielnictvam akupavanych terytoryj.
Naprykład, zamiest słovaŭ «likvidavali, zabili» vajskoŭcam rekamiendavali havaryć «prablema była vyrašanaja».
Zamiest frazy «tut užo Rasija, zabudźcie pra Ukrainu» rekamiendavaŭsia varyjant «narod samastojna vyrašyć, jak žyć i kaho vybirać».
U mietadyčcy taksama jość punkt pra toje, što «da farmavańnia dziaržaparata i zakanadaŭčaj bazy, my budziem vymušanyja mirycca z paniaćciami Ukraina, ukrainiec». Heta značyć, što na paźniejšym etapie paniaćcia «Ukraina» nie pavinna było zastacca.
Taksama vajskoŭcam nie rekamiendavali «vinavacić va ŭsim chachłoŭ». Lepš było vinavacić «maryjanietak» — Zialenskaha, Parašenku i «ich lalkavodaŭ». U paćviardžeńnie varta było raspaviadać pra «bijałabaratoryi» i hiej-parady.
Jašče adna rekamiendavanaja fraza — «My i ŭkraincy, i rasijanie, a hałoŭnaje, što my pravasłaŭnyja, i nam niama čaho dzialić». Jana dobraja z punktu hledžańnia aŭtaraŭ instrukcyi, bo vobraz rasijan ciapier «zaplamleny», a voś «vobraz pravasłaŭnaha — čysty».
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk16
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary