«My, hruba kažučy, kampanija Łukašenki». Pradaviec biełaruskich traktaroŭ u Litvie spyniaje dziejnaść z-za sankcyj
Paśla taho jak Słužba pa rasśledavańni finansavych złačynstvaŭ Litvy (SRFP) uniesła handlovuju kampaniju Minskaha traktarnaha zavoda MTZ Traktorius, zarehistravanuju ŭ Vilni, u śpis padsankcyjnych, kiraŭnik kampanii zajaviŭ, što jana budzie vymušanaja spynić dziejnaść, piša Delfi.lt.
Słužba paviedamlaje, što kampanija znachodzicca pad sankcyjami Jeŭrasajuza z-za jaje suviaziaŭ z Łukašenkam i niekatorymi biełaruskimi čynoŭnikami. Kiraŭnik kampanii Virdžynijus Libierys kaža, što kampanija nie moža karystacca svaimi srodkami, u vyniku čaho budzie vymušanaja spynić dziejnaść.
«U vyniku hetaha rašeńnia adziny bankaŭski rachunak, jaki byŭ u kampanii, zabłakavany, tamu kampanija straciła mahčymaść rabić jakuju-niebudź dziejnaść. Dziejnaść budzie spynienaja i zavieršanaja. U nas niama inšaha vyjścia», — skazaŭ Libierys.
Kampaniju ŭ śpis padsankcyjnych dadali tolki ŭ listapadzie, choć srodki na bankaŭskim rachunku byli zamarožanyja, pa słovach mieniedžara, jašče ŭ červieni.
Pa słovach kiraŭnika, MTZ Traktorius — heta kampanija, jakaja ŭskosna kantralujecca Minskim traktarnym zavodam: «My, hruba kažučy, kampanija Łukašenki».
Jak kaža Libierys, u zasnavanaj u 2020 hodzie kampanii było try supracoŭniki, adzinym vidam dziejnaści byŭ prodaž traktaroŭ u Litvie. Pa danych litoŭskaha Centra rejestraŭ, MTZ Traktorius atrymała 1,3 młn jeŭra dachodu i straciła 18 tys. jeŭra.
-
«Usie prymiežnyja parkoŭki zabityja furami ź litoŭskimi numarami». Łukašenka ŭvioŭ dadatkovyja abmiežavańni dla litoŭskich pieravozčykaŭ
-
U Biełarusi voźmucca za bankaŭskija kamisii. Abiacajuć, što niekatoryja ź ich źniknuć
-
Inflacyja nie bolš za 7%: zaćvierdžanyja asnoŭnyja ekanamičnyja pakazčyki na nastupny hod
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno18
Kamientary