Namieśnik ministra infarmacyi lubić Karatkieviča i Maŭra, ale hałoŭnyja tvorcy nie jany
Namieśnik ministra infarmacyi Ihar Buzoŭski na ŭračystaj cyrymonii z nahody 45-hodździa minskaj kniharni «Śvietač» daŭ rekamiendacyi, što majuć čytać amatary knih. Akazałasia, što sam jon lubić biełaruskich kłasikaŭ, ale asnoŭnaje natchnieńnie čerpaje z tvorčaści sučaśnika.
Druhoje miesca ŭ piersanalnym čytackim rejtynhu Buzoŭskaha zaniało «Dzikaje palavańnie karala Stacha» Uładzimira Karatkieviča za toje, što «hetu detektyŭnuju apovieść lubiać i čytajuć u mnohich krainach, pa joj vyvučajuć historyju Biełarusi».
Treciaje miesta — pryhodnickaja dziciačaja apovieść «Paleskija rabinzony» Janki Maŭra.
A voś najbolšy čytacki chit, na dumku Buzoŭskaha, — heta vydadzienaja sioleta kniha hienieralnaha prakurora Andreja Švieda «Hienacyd biełaruskaha naroda».
Kali vieryć cytacie z Buzoŭskaha ŭ telehram-kanale Mininfarma, Švied — aŭtar hetaj knihi, choć u vydavieckich źviestkach jon paznačany tolki jak redaktar.
Jak śćviardžaje Buzoŭski, kniha «Hienacyd biełaruskaha naroda» zrabiła na vydavieckim rynku furor i pieravydadzienaja Ministerstvam infarmacyi ŭžo treci raz. Kali heta sapraŭdy tak, to takaja papularnaść lohka tłumačycca tym, što jana «aktyŭna vykarystoŭvajecca hramadskimi arhanizacyjami, abjadnańniami», to-bok raspaŭsiudžvajecca nie praź indyvidualnyja zakupki. Jačejek «Biełaj Rusi», BRSM i praŭładnych prafsajuzaŭ u Biełarusi sapraŭdy šmat.
-
Łukašenka: Pryjšoŭ čas viarnucca na šlach narmalizacyi adnosin Biełarusi i ZŠA
-
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
-
«Adnu mianie pryvodzić u šalenstva, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu1
Kamientary