Recept na vychadnyja. Bananavy chleb ź limonam — prosty, ale cikavy desiert
Bananavy chleb — kłasičny i davoli prosty varyjant vypiečki. Aśviažym jaho: dadamo da ciesta trochi limona i imbiru, kab atrymać aryhinalny i niezvyčajny smak.
Fota: limoneira.com
Kab zhatavać bananavy chleb ź limonam, vam spatrebicca:
- 250 hramaŭ muki,
- 3 čajnyja łyžki razrychlalniku,
- pałova čajnaj łyžki charčovaj sody,
- čverć čajnaj łyžki soli,
- 1 čajnaja łyžka mołataha imbiru,
- 110 hramaŭ raźmiakčanaha masła,
- 150 hramaŭ cukru,
- 2 jajki,
- 400 hramaŭ miakaci banana,
- 50 hramaŭ śmiatany,
- cedra i sok 2 limonaŭ,
- dla padačy: 2 stałovyja łyžki cukru i pałova limona (treba jaho vielmi tonka narezać).
- Dla pačatku razahrejcie duchoŭku da 180 hradusaŭ. Potym padrychtujcie formu dla chleba: trochi zmažcie jaje masłam abo zaścialicie papieraj dla vypiakańnia.
- Pieramiašajcie da adnarodnaści muku, razrychlalnik, charčovuju sodu, sol i imbir. Adstaŭcie ŭbok.
- Uźbivajcie raźmiakčanaje masła, pakul jano nie stanie adnarodnym, z kremavaj teksturaj. Pastupova dadavajcie cukar i praciahvajcie ŭźbivać, pakul tekstura sumiesi nie stanie lohkaj i pulchnaj.
- Trochi ŭźbicie jajki i dadajcie ich da maślanaj sumiesi. Pieramiašajcie da adnarodnaści.
- Razamnicie banany videlcam. Dadajcie śmiatanu, limonny sok i cedru, pieramiašajcie.
- Dadajcie bananavuju sumieś da jaječnaj i pieramiašajcie da adnarodnaści.
- Vaźmicie pałovu bananava-jaječnaj sumiesi i dadajcie jaje da mučnoj sumiesi, trochi pieramiašajcie. Potym dadajcie druhuju pałovu sumiesi i pieramiašajcie, ale starajciesia zanadta nie miašać, bo inakš u vas moža atrymacca vielmi ćviordy bochan.
- Vylicie ciesta ŭ formu, pakładzicie źvierchu tonkija łustački limona. Pasypcie cukram i pastaŭcie ŭ duchoŭku.
- Vypiakajcie chleb 55—65 chvilin ci pakul čysty nož, ustaŭleny ŭ centr, nie budzie vychodzić čystym. Astudžajcie chleb kala 20 chvilin pierad tym, jak dastać jaho z formy. Hatovuju vypiečku možna zachoŭvać u chaładzilniku ŭ zakrytym posudzie kala tydnia.
Recept na vychadnyja. Aładki z bananam i biekonam — cikavaje spałučeńnie
Vykidajecie łupiny ad banana? A darma
Recept na vychodnyja: niečakana cikavy piroh z morkvy
Čamu my prajhrali ŭ 2020 hodzie? Razvahi Mikoły Dziadka
Mierkavańniabmiarkoŭvajcie!
Kamientary
achrenieć. pałovu pradukta ŭ śmietnicu. a ja šče aburałasia, što ahurki ŭdvaja daražejšyja za banany. a atrymlicca, što nie. z ulikam taho, što ahurok całkam u ježu idzie, a banan napałovu, atrymlivajecca, što kaštujuć jany adnolkava