Illa Mironaŭ znajšoŭ sabie pracu ŭ Vilni. Čym aktyvist budzie zajmacca?
Zusim niadaŭna aktyvist Illa Mironaŭ źjechaŭ ź Biełarusi ŭ Vilniu. I ŭžo paśpieŭ znajści sabie pracu. «Naša Niva» daviedałasia, čym Mironaŭ budzie zajmacca ŭ Vilni.
Dapamoh homielski dośvied
U Homieli 41-hadovy Illa Mironaŭ bolš za 20 hadoŭ arhanizoŭvaŭ rok-kancerty. Praz tydzień žyćcia ŭ emihracyi mužčyna paśpieŭ stać pramoŭtaram novaha teatra, jakim jon budzie zajmacca razam ź biełaruskim teatralnym režysioram Alaksiejem Stukinym (toj taksama ciapier žyvie ŭ Vilni).
Pieršyja dźvie imprezy zapłanavanyja na 1 i 2 lipienia. Jany adbuducca ŭ Vilni pa adrasie vuł. Vilenskaja, dom 16 (lit. Vilniaus g., 16).
Na pieršy dzień zapłanavali imprezu dla darosłych, a na druhi — dla dziaciej.
«Da nas dałučycca viadomy iluzijanist z Łatvii»
«U paniadziełak my ŭžo zdymali rekłamnaje videa. U Illusions show buduć vystupać pirat, łaziermien, fokuśnik-iluzijanist. Budzie šmat cikavaha, čaho jašče nie było nie tolki ŭ Vilni, ale i nidzie. Akciory buduć nie tolki ź Vilni. Da nas dałučycca viadomy iluzijanist z Łatvii», — zapeŭnivaje Mironaŭ.
Illa kaža, što ideja stvaryć niešta padobnaje była daŭno, ale toje, što jon staŭ pramoŭtaram takoha prajekta ŭsiaho praz tydzień paśla jahonaha pierajezdu ŭ Litvu, chutčej, vypadkovaść.
«Raniej z Alaksiejem my kantaktavali tolki ŭ fejsbuku, a ŭžo tut, u Vilni, sustrelisia ŭ karčmie «1863», dzie i razhavarylisia. Ja raskazaŭ jamu, što šukaju placoŭku dla arhanizacyi biełaruskamoŭnych hurtoŭ, a jon skazaŭ, što na 1-2 lipienia zapłanavaŭ imprezu svajho teatra. Pasiadzieli, vypili kvasu i damovilisia, što budziem pracavać razam», — zhadvaje Mironaŭ.
Aproč hetaha, pa słovach aktyvista, u jahonych płanach adnavić jašče adnu spravu, jakoj jon niekali zajmaŭsia ŭ Homieli. Mužčyna źbirajecca adkryć u Litvie IP i pačać vyrablać cišotki i mierč z nacyjanalnymi, spartyŭnymi i nie tolki pryntami. Aktyvist kaža, što ŭžo maje ideju, dzie moža mieścicca jahonaja budučaja krama.
Taksama Mironaŭ nie zabyvajecca i na aktyvizm. Mužčyna štodnia ładzić adzinočnyja pikiety ŭ Vilni.
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi10
Kamientary