Ambasadary krain Jeŭrasajuza ŭ sieradu, 21 červienia, uzhadnili čarhovy pakiet sankcyj suprać Rasii ŭ suviazi z uvarvańniem va Ukrainu, paviedamiła pastajannaje pradstaŭnictva Šviecyi ŭ ES.
Adzinaccaty z pačatku vajny sankcyjny pakiet, jaki jeŭrapiejskija dypłamaty rychtavali bolš za dva miesiacy, budzie nakiravany na spynieńnie sposabaŭ abychodu ŭžo ŭviedzienych sankcyjnych mier.
Akramia taho, buduć pašyrany čornyja śpisy fizičnych asob, jakim budzie zabaronieny ŭjezd u Jeŭrasajuz i čyje aktyvy na terytoryi ES buduć zabłakavanyja.
Ambasadar Polščy pry ES Andžej Sadaś paviedamiŭ, što ŭ novy pakiet uklučanyja abmiežavalnyja miery suprać 70 fizičnych i 30 jurydyčnych asob, a taksama, zabarona na ŭjezd pryčepaŭ z Rasii.
Pavodle jaho słoŭ, 11-y pakiet sankcyj praduhledžvaje taksama zabaronu transparciroŭki nafty pa paŭdniovaj halincy naftapravoda «Družba». Ciapier heta adzinaja halinka «Družby», pa jakoj rasijskaja nafta pastupaje ŭ Jeŭropu, i jana častkova prachodzić pa terytoryi Biełarusi.
Apošni pierad hetym, dziasiaty, pakiet sankcyj ES suprać Rasii byŭ pryniaty 25 lutaha. Pad abmiežavańni tady trapiła 96 arhanizacyj.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary