Nielehalnych mihrantaŭ na polska-biełaruskaj miažy stanovicca bolej, ich taktyka mianiajecca
Mihranty vykarystoŭvajuć novuju taktyku pry sprobach pierasiačy polskuju miažu z boku Biełarusi, i ich cisk na polskich pamiežnikaŭ raście, jak piša reform.by.
Jak raskazała pres-sakratarka Pamiežnaj achovy Polščy Hanna Michalska, ciapier paśla pierasiačeńnia miažy vialikaja hrupa mihrantaŭ raźbivajecca na hrupy pa 2-3 čałavieki, kab ich było ciažej vyjavić.
Michalska kanstatavała rost ahresiŭnaści parušalnikaŭ. U hetym hodzie paškodzili 13 patrulnych aŭtamabilaŭ, pry hetym siem ź ich — u červieni. U polskija patruli ŭsio čaściej laciać halinki i kamiani. Taksama dva aŭtamabili atrymali paškodžańni padčas pieraśledu pieravozčykaŭ mihrantaŭ.
Pres-sakratarka Pamiežnaj achovy taksama paŭtaryła zaściarohi, vykazanyja raniej polskimi i litoŭskimi pamiežnikami, nakont ryzyki pravakacyj padčas samitu NATA.
Jana jašče raz adznačyła, što, na dumku polskich słužbaŭ, pierad niadaŭna pryznačanym staršynioj DPK Kanstancinam Mołastavym pastavili zadaču ŭzmacnić mihracyjny cisk.
Akramia taho, pavieličeńniu kolkaści mihrantaŭ moža sadziejničać biaźvizavy režym dla naviedvalnikaŭ «Słavianskaha bazaru ŭ Viciebsku», jaki projdzie ŭ lipieni.
Usiaho za hety hod polskija pamiežniki zarehistravali amal 13 tysiač sprobaŭ parušeńnia miažy. U 2022-m za ŭvieś hod było tolki 16 tysiač sprob.
Akramia taho, byli zatrymanyja 400 pieravozčykaŭ mihrantaŭ, što bolš, čym za ŭvieś minuły hod.
-
«Ličyŭ, što tak dapamahu ŭkraincam». 18-hadovy eks-palitviazień Kiryła Bałachonaŭ raskazvaje, jak zmahaŭsia z rasijskim našeściem praz TikTok i Telegram
-
Aŭtaru miema pra «samyja sučasnyja trafiki» znajšli novuju pasadu
-
«Da banka jość pytańni». Biełarus pravieryŭ układ, adkryty 17 hadoŭ tamu na dzicia, — što pajšło nie tak?
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia17
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1616
Kamientary